Паркети (музичка група)

Паркети се рок, панк група од Битола, Република Македонија. Формирана е во 1991 година од Сашо Паркет, Славе Паркет и Себастијан Паркет.^[1] Познати се по своите настапи во живо, изгледот и смислата за хумор.

Паркети
Основни податоци
Потекло	Битола, Република Македонија
Жанр(ови)	Гараж Поп панк Рок
Години на активност	1991 - сега
Мрежно место	https://youtube.com/@sashoparket108?si=v6wxrPSjQ5ntx6mG
Членови	Сашо Паркет Зоки Паркет Симс Себастијан Паркет Ристе Паркет
Поранешни членови	Гог Паркет Пеце Паркет Марија Паркет Славе Паркет

Историја

Паркети биле оформени една деценија по првиот бран на панк музикта, кога веќе сè било слушнато и видено, од Sex Pistols преку Ramones, па и Шарло акробата и Пекиншка патка на просторите на Југославија. Во Битола, на крајот на осумдесеттите години, постоеле само неколку „андерграунд“ бендови кои правеле своја музика и само едно подрумско диско каде не се слушало турбо фолк.^[2] Со падот на Југославија, државата повеќе не ги контролирала медиумите, па започнале да се отвораат нови приватни радија и телевизии, што му отворило место на сè и на секој. На Радио Битола и на некои локални телевизии започнале да се прават топ листи на „демо“ бендови на кои секој можел да гласа за својот омилен. Паркети секогаш имале препознатлив и специфичен звук. Нивните текстови секогаш имаат рима, но, како што сакаат да кажат членовите, текстовите се „апстракни“. Пример за „апстракноста“ во текстовите е песната „Супермен“ - „Нешто лета, црвено е, дали е фен? Не е фен - тоа е Супермен“. Првиот албум го снимиле во 1996 година и е именуван „Грижа на совеста“, а вториот - „Газирана хармонија“ бил снимен во 1998 и на него бендот има различен состав, односно на местото на Сашо Паркет - вокалист е неговиот брат. Сашо се враќа во бендот на почетокот на новиот милениум.

Музика

Паркети во своите песни обработуваат најразлични теми, но како што нагласуваат и самите, љубовни песни секогаш биле најискрени:

• Песни без тема: „Портокали“, „Оса“, „Mуви“, „Едно млеко и едно кафе“, „Ева Мендез“, „Да ја ебам бабати на летање“ и други.
• Песни со љубовна тема: „Бал“, „Mислам“, „На месечина те заборавив”,„Најмногу на целиот свет“, „Барбара“, „Песна со најубави ноти“, „Сакам да те галам“, „Strawberry” и други.
• Понекогаш имало и песни кои имале допир со социјални теми и теми важни за Паркети а во таа категорија спаѓаат песните „Кафеави Џуџуња“, „Ние сакаме“, „Клара пуши трева“, „Sweet vegetarian“
• Обработки на песни: „Ацо кабадаја“, „Шеќерна“, „Бандиера Роса“, „Bang Bang”, „Danny Boy” и други.

Концерти

Концертите на Паркети се секогаш оригинални и многу енергични. На нивните настапи имало сè - од моторни пили и експлицитен материјал, до кршење на картонски гитари.^[2][3] До сега имаат учествувано на многу фестивали и имаат одржано неколку концерти меѓу кои најголем до сега е концертот во амфитеатарот во Хераклеја, 2009 година.^[4]. Имаат одржано и мал акустичен концерт во Домот на културата во Битола во 2011 година.

Евровизија

Паркети имаат два пати учествувано на македонскиот избор за песна на Евровизија, но за жал неуспешно. Првиот пат во 2008 се претставиле со песната „Strawberry“, а вториот пат, во 2010, со песната „Ти си киси феномен“ со која го освоија последното место, и после настапот изјавија дека никогаш повеќе нема да учестуваваат на изборот за песна на Евровизија.

Дискографија

• „Грижа на совеста“ (1996) ^[5]
• „Газирана хармонија“ (1998) ^[5]
• „Но тинкејШн” (1992 - 2002)
• „Тајната на името (2005)
• „Мамо не му кажувај на тато“ (2009) ^[6]
• „Република Франкенштајн” (2012)
• „Parketi” (2014)
• „Treinta Putos Años” (2021)

Изданија на „Паркети“ Архивирано на 28 мај 2016 г. евидентирани од ВБУ Музички Регистар.