Партија на европски социјалисти

Партијата на европските социјалисти (ПЕС) ― социјалдемократска и прогресивна европска политичка партија.^[7]

Партија на европски социјалисти
Претседател	Стефан Левен
Основана	1973 (Конфедерација) 9–10 ноември 1992 (Партија)
Штаб	Брисел, Белгија
Младина	Млади европски социјалисти
Идеологија	Социјалдемократија[1][2] Прогресивизам[3] Проевропеизам
Полит. положба	Лев центар[2][4]
Меѓународна припадност	Прогресивна алијанса[5] Социјалистичка интернационала[6]
Европски парламент	Прогресивна алијанса на социјалисти и демократи
Мрежно место
pes.eu
Политика на Европска унија Политички партии Избори

ПЕС е составена од политички партии на државно ниво од сите земји-членки на Европската унија (ЕУ) плус Норвешка и Обединетото Кралство. Меѓу поголемите партии кои се членки на ПЕС се: Социјалдемократската партија на Германија, Француската социјалистичка партија, британската Лабуристичка партија, Италијанската демократска партија, Социјалистичката партија (Португалија), Романската Социјалистичко демократската партија и Шпанската социјалистичка работничка партија. Партиите од многу други европски земји и од средоземниот регион исто така се примени во ПЕС како придружни членки или набљудувачи.^[8] Повеќето партии-членки, соработници и набљудувачи се членки на пошироката Прогресивна алијанса или Социјалистичката интернационала.^[5][6]

Актуелен претседател на ПЕС е Стефан Левен, поранешен премиер на Шведска. Нејзина политичка група во Европскиот парламент е Прогресивната алијанса на социјалистите и демократите (S&D). ПЕС дејствува во Европскиот комитет на регионите и во Европскиот совет.

Партијата е основана во 1992 година како наследник на Конфедерацијата на социјалистички партии на Европската заедница (основана 1973).^[9].

ПЕС има 33 членови и е единствената европска партија која вклучува партии од сите земји-членки на ЕУ.^[10]

Социјалдемократкиот сојуз на Македонија е придружна членка на ПЕС.