Петар Стојковски-Бабец

Петар Стојковски - Бабец (Битола, 3 јануари 1930 - Битола, 15 јули 2010 ) — македонски глумец и режисер.^[1][2]

Петар Стојковски - Бабец
Роден	3 јануари 1930 Битола, Вардарска Бановина, Кралство Југославија
Починал	15 јули 2010(2010-07-15) (возр. 80) Битола, Македонија
Националност	Македонец
Народност	Македонец
Занимање	глумец

Животопис

Стојковски е роден во Битола во 1930 година. Основното училиште го завршил во родниот град, во училиштето „Св. Кирил и Методиј“. По завршувањето на основното училиште се запишал во битолската гимназија каде работела силна драмска група на која Стојковски веднаш и се приклучил. Прва негова улога во Народниот театар во Битола како професионален глумец е улогата на Милован во претставата „Фамилијата Бло" од Љубинка Бобиќ. Потоа следуваат уште многу други, како тие во претставите „Швејк во Втората светска војна“ од Бертолт Брехт, „Дундо Марое" од Марин Држиќ, „Мистер Долар“ од Бранислав Нушиќ, „Монсерат“ од Е. Роблес, „Чорбаџи Теодос“ и „Бегалка“ од Васил Иљоски, „Глувечка патека" од М. Ѓарваш, „Арсеник и старите тантели" од Џ.О. Кесерлинг, „Вук Бубало" од Б. Ќопиќ и др. Дела кои ги има режирано се : „Педаче“, „Сенката на господинот Вип“, „Убавица и ѕвер“, „Волшебникот од Оз“, „Пипи Долгиот Чорап“, „Трите волшебни кучиња“ и многу други. Се пензионирал на 15 јануари 1993 година. Стојковски починал на 15 јули 2010 година во Битола.^[3]

Филмографија

Година	Филм	Улога
1968	Планината на гневот ТВ-филм
1969	Волшебниот воз ТВ-филм
1969	Републиката во пламен ТВ-филм
1970	Цената на градот ТВ-филм	Ханс
1971	Македонскиот дел од пеколот ТВ-филм
1971	Мува ТВ-филм
1972	Палтото ТВ-филм
1973	Илустриран ТВ Речник ТВ-серија
1975	Простодушна љубов ТВ-филм	Таше
1975	Волшебното самарче ТВ-серија	Селанец
1977	Итар Пејо ТВ-серија
1978	Шеќерна приказна ТВ-филм
1979	Наши години ТВ-серија
1980	Учителот ТВ-филм
1981	Булки крај шините ТВ-серија
1982	Илинден ТВ-серија
1982	Едно лето ТВ-серија
1982	Црвено, жолто, зелено ТВ-серија
1984	Другарувања ТВ-серија	Дедото на Тоше
1984	Јуначко колено ТВ-серија
1989-1991	Еурека ТВ-серија	Чишловис

Награди

• Награда „4 Ноември“ доделена од страна на Општина Битола