Пиштолница

Пиштолница или футрола за пиштол — направа што се користи за ограничување на несаканото движење на оружјето, најчесто на место каде што може лесно и веднаш да се користи. Пиштолниците често се прицврстуваат на појас, но можат да се прицврстат и на други делови од телото (на пр., пиштолница за глужд). Пиштолниците се разликуваат по нивото на заштита или заштита што му се обезбедува на огненото оружје. Некои пиштолници за полициските службеници имаат ремен на горниот дел од пиштолницата за да се спречи оружјето да падне од пиштолницата или да биде извлечено од неа од страна на друго лице. Некои пиштолници имаат дополнителна заштита на горниот дел за да го заштитат оружјето од разни елементи.

На фотографијата се гледа маж како отворено носи пиштол „Браунинг хај пауер“ калибар 9 мм во ресторан за брза храна во Игл, Колорадо.

Употреба

Пиштолница за пиштол од 16 век од Тбилиси, Грузија.

Носење полициска пиштолница на појасот (ременот)

Пиштолниците вообичаено се засновани да обезбедат заштита на оружјето, да обезбедат негово задржување и да овозможат лесен пристап до него. Потребата за лесен пристап честопати е во судир со потребата за безбедност и заштита, а корисникот мора да ги земе предвид неговите посебни потреби. Изборот на вистинската рамнотежа може да биде многу важен, особено во случај на одбранбена пиштолница, каде што недостатокот на пристап до оружјето или оштетувањето или губењето на оружјето поради несоодветно задржување или заштита може да резултира со тешки повреди или смрт на корисникот.

Пиштолниците главно се засновани за употреба со една рака, што овозможува пиштолот да се извади и/или замени со истата рака. Доколку корисникот сака да го врати пиштолот во футролата со една рака, таа мора да биде изработена од цврст материјал што го задржува својот облик, така што нема да го промени својот облик кога предметот повеќе нема да биде во неа за да ја држи.

Пиштолниците обично се прицврстуваат на ременот или појасот на лицето, или се закачуваат на друго парче облека. Некои пиштолници, како што се оние за глужд, имаат вградена потпора. Други пиштолници може да се стават во џеб за да се додаде стабилност и заштита на пиштолот, што го прави побезбеден и подостапен отколку да е само в џеб.

Пиштолниците обично се носат таму каде што се лесно достапни. Вообичаени места се: на половината (надворешноста или внатрешноста на појасот), зад грбот, околу глуждот, кај градите (во еластичен појас за половината или футрола) или на горниот дел од бутот.

Материјали

Пиштолниците обично се изработуваат од прилично цврсти, но тврди материјали. Кожата е традиционален материјал од кој истите се изработуваат. Има привлечен изглед и може да се обојат во различни бои. Се украсуваат со различни дизајни заради изглед.

Друг вообичаен материјал за изработка на пиштолници е балистичкиот најлон, бидејќи е крут, отпорен на абење и доволно дебел за да обезбеди заштита.

Калапената пластика како што е кидекс е исто така популарна поради нејзината ниска цена и робусност.

Најчести видови и стилови на пиштолници

Пиштолниците се достапни во различни облици, материјали и безбедносни механизми. Тие се движат од едноставни кожни пиштолници кои се прицврстени на ремен, преку високо обезбедени пиштолници со безбедносни капаци кои го покриваат целото оружје, до високо приспособливи пиштолници за натпреварување во кои оружјето е прецизно позиционирано и безбедносната игла или копчата се ослободува штом ќе се допре оружјето. Видовите и стиловите на пиштолниците зависат од околностите во кои се користат и преференциите на корисникот.

Поделба на пиштолниците според употребата

Пиштолите можат да се поделат во четири главни категории: службени пиштоли, кои ги носат униформирани лица на органите за спроведување на законот и безбедносни лица; тактички пиштоли, кои во одредени случаи ги носат воени, безбедносни и полициски лица; пиштоли за скриено носење, кои ги носат полицајци во цивил и приватни лица; и спортски пиштоли, наменети за спортско стрелаштво и лов.

Службените пиштолници се обликовани за отворено носење, со нагласок на безбедно чување на огненото оружје и изглед. Тие можат да бидат изработени од различни материјали, вклучувајќи кожа, најлон или пластика. Се носат со прицврстување на службениот каиш од страната на доминантната рака.^[1] Службените пиштолници првенствено се наменети за службени пиштоли, а не за помали пиштоли, кои обично се користат како резервни пиштоли за скриено носење.

Главната особеност што ги разликува службените пиштоли од другите пиштоли е сигурносната дршка. Современите службени пиштоли за спроведување на законот се достапни со различни нивоа на заштита или задржување (Ниво I, Ниво II, Ниво II+, Ниво III, итн.).^[2] Некои безбедносни одлики се пасивни (завртки за монтирање, сигурносни ремени, сигурносна дршка), додека некои се активни, барајќи намерно ослободување на сигурносната дршка за да се извлече огненото оружје (традиционална сигурносна дршка). Колку е повисоко нивото на заштита или задржување на пиштолот, толку потешко ќе биде некој да го извади огненото оружје од полицаецот. Сепак, ова може да влијае и на брзината на извлекување на огненото оружје (особено во случај на активни безбедносни функции). Затоа, полицаецот е принуден да најде компромис помеѓу брзината на извлекување на огненото оружје и нивото на заштита или задржување на огненото оружје и да одлучи што му одговара најмногу.

Тактичките/воените пиштолници обично се изработени од најлон или пластика. Тие можат да бидат изработени во камуфлажни дезени за да одговараат на униформата на носителот. Често се носат на ногата и имаат механизам за заклучување. Некои воени пиштолници сè уште ја користат старата класична пиштолница со безбедносна навлака (исто така наречена пиштолница за „самоубиство“, која е гломазна и од која бавно се вади оружјето, но обезбедува поголема заштита на оружјето од временските услови.)^[3]

Постои одредено преклопување помеѓу службените, тактичките и воените пиштоли. Зачувувањето на оружјето главно не е толку важно во воената употреба како што е во спроведувањето на законот, поради разликите во нивните оперативни средини.

Пиштолница со Taurus Millennium PT145.

Пример за пиштолница што се користела во 19 и почетокот на 20 век.

Пиштолниците за скриено носење се засновани лесно да се сокријат, поради нивната мала тежина и ненаметливост. Тие се користат за помали пиштоли, бидејќи полесно се сокриваат. Наменети се да се носат под облека, на пример на ремен под палто, под панталони, во пиштолница за глужд или во џеб од панталони. Бидејќи ваквите пиштолници се носат блиску до телото, удобноста е важна, па затоа тие често имаат широки површини што се во допир со телото на носителот за да го распределат притисокот на поширока површина и да спречат триење на кожата. Заштитата на пиштолот од потењето на носителот е важна на такво место за носење. Честопати, надворешната страна на пиштолницата е поширока за да се сокријат контурите на пиштолот и на тој начин да се спречи да се гледа низ облеката. Кај џебните пиштолници, надворешната рамна страна е погруба, така што кога пиштолот ќе се извлече, пиштолот останува на место.

Спортските пиштолници се изработуваат во различни стилови: пиштолници со висока прилагодливост кои овозможуваат максимален или најдобар пристап за брзо пукање и се користат во пукање во кегли; старомодни пиштолници кои се користат во каубојско пукање; пиштолници со максимална заштита кои се користат за лов со пиштол; и едноставни пиштолници кои се користат за носење на оружјето при пукање на стрелиште.

Спортските или ловните пиштолници се единствени по тоа што се наменети да носат големи оружја или да овозможат поставување на телескопски нишани. Големите оружја често се носат во пиштолница што корисникот ја става на рамото и ја вади од телото пред да го извлече оружјето. Затоа, брзината на извлекување на оружјето не е важна, бидејќи овие пиштолници не се за одбранбени цели.

Поделба на пиштолниците според методот на носење

Пиштолница што се носи во внатрешноста на појасот

• Појасни (OWB - outside the waistband) - Ова се пиштолници што најчесто ги користат полицијата и војската, како и граѓаните кои избираат да ги носат отворено. Пиштолниците прикачени на појасот може да се носат високо и блиску до телото, малку зад колкот („позиција 4:00“), или може да се сокријат под облеката.
• Внатрепојасни (IWB - inside the waistband)^[4] - Ова се пиштолници што се прицврстуваат на појасот и овозможуваат оружјето безбедно да се носи во панталоните. Корисникот може да носи облека што ги покрива и пиштолницата и оружјето. Исто така, постои и варијација „AIWB“, која овозможува носење во внатрешниот преден дел од панталоните (за разлика од страничниот или задниот дел од панталоните, кои се почести).
• „Appendix rigs“ се верзија на пиштолницата „AIWB“ со прикачен држач за магазин. Исто така, постои и модуларна верзија, како што е „Dara Modular Appendix Rig“.
• Потпојасни (Below waistband holsters - BWB), се пиштолници направени од Urban Carry Holsters кои се прикачуваат непосредно под појасот и се уште поскриени од традиционалната IWB пиштолница.
• Рамени (shoulder holsters)^[5] - Ова се пиштолници кои се прикачени на еден од двата ремени на левата или десната страна. Ремените се поврзани на сличен начин како ранец. Рамените пиштолници му овозможуваат на корисникот да носи пиштол на неколку начини: вертикална положба со цевката насочена кон земјата, вертикална положба со цевката насочена нагоре или хоризонтална положба со цевката насочена кон страната. Рамените пиштолници обично се удобни за корисникот, бидејќи ја распределуваат тежината преку рамената, а не целата непосредно на половината. Кожните ремени се прекрстуваат преку рамената и грбот. Тие исто така му овозможуваат на корисникот да го носи оружјето под јакна или спортско палто. Во случај на носење пиштол со долга цевка, пиштолницата може да се носи вертикално, а во случај на носење друго огнено оружје, хоризонтално. Пиштолот може да се постави и над градите или под пазувите, во зависност од видот на оружјето. Предностите на овој вид пиштолници се главно во удобноста на долготрајното носење, лесното прикривање и рамномерната распределба на тежината на оружјето, поради самиот дизајн.
• Ремени (sling holsters) - Вид пиштолница што е слична на рамената пиштолница, но се состои од ремен што се носи преку едното рамо и околу градите. Овие пиштолници биле користени во Втората светска војна од пилотите, операторите на тенкови и други возачи на возила, бидејќи биле поудобни за носење, особено кога се користеле во седечка положба. Тие станале популарни кај војниците на кои не им се допаѓале тешките, кожни капачиња на стандардната футрола M1911-A1. Тие сè уште се произведуваат од Армијата на Соединетите Американски Држави за пиштолот M9.
• Пиштолници за околу мев (the belly band holster) - Широк еластичен појас што држи пиштол и обично се носи под кошула. Може да се носат на половината или повисоко. За да се држи пиштолот на место, ременот мора да биде правилно затегнат, што може да биде непријатно, како носење корсет.
• Џебни пиштолници се користат за мало оружје, како што се џебните пиштоли.
• Мали грбни пиштолнци го поставуваат оружјето непосредно на средината од грбот. Сепак, постои ризик корисникот да го испушти пиштолот од пиштолницата, на пример во непосреден судир, што може да доведе до повреда ако случајно стапне на оружјето. Поради оваа причина, во САД, носењето оружје во оваа положба е забрането за полициските службеници.
• Препонски- Ова се пиштолници што го поставуваат пиштолот под ременот на предниот дел од телото над препоните. Со таква пиштолница, движењето на телото е малку ограничено.
• Бутни (т.н. тактичка/ножна пиштолница)^[6] - Ова се пиштолници, кои се популарен полициски и воен производ. Нивна предност е што овозможуваат брзо извлекување на огненото оружје, бидејќи раката е спуштена кај ногата и е во постојана подготвеност за извлекување на оружјето. Тие се користеле во 19 век, во американските коњанички единици, ги врзувале за ногата со кожни ремени. Современите пиштолници често користат модуларни копчиња, кои овозможуваат брзо извлекување на оружјето. Полицискиот и воениот персонал ги носи кога носењето на појас е непрактично поради непробојниот елек или ременот е полн.
• Глуждни - Ова се пиштолници кои овозможуваат одлично прикривање и ги користат агенциите за спроведување на законот кои сакаат да имаат дополнително оружје покрај нивното примарно. Недостаток на овие пиштолници е што не обезбедуваат доволна стабилност на оружјето за време на трчање и други дејности.
• Пиштолници за прекрстени гради - Ова се пиштолници што можат да се прикачат на компатибилни елеци и ремени за гради. Како и рамените пиштолници, кај овој вид вадењето на оружјето од пиштолницата кога возачот е во возилото е многу полесно.
• Пиштолници со потпора Ова се пиштолници што се користат исклучиво за скриено носење. Се носат над појасот, непосредно под раката или на предниот дел од телото. Тие имаат потпора што е прикачена на појасот, а од другата страна на самата пиштолница. Потпората ја пренесува тежината на огненото оружје на ременот и го држи оружјето на место за безбедно вадење. Пиштолницата има и еластичен ремен што се носи над појасот и му овозможува на оружјето цврсто да се прилепи на телото.
• Пиштолници во облик на палачинка (Pancake holsters) - Ова се пиштолници направени од две парчиња материјал, при што пиштолот е сместен помеѓу нив. Пиштолницата содржи и два слота за ремен. Се носат над колкот од страна. Таквата пиштолница му овозможува на пиштолот цврсто да се прилепи на телото и со тоа подобро да го скрие самото оружје.
• Пиштолници за ремен со вкрстено влечење (Cross draw belt holsters) - Ова се пиштолници што овозможуваат носење резервно оружје и се соодветен избор за жени, поради удобноста на носењето и приспособливоста на женското тело. Ова се пиштолници што се носат на надворешната страна од ременот спроти доминантната рака. Иако вкрстеното влечење е многу побавно поради подолгото растојание што раката мора да го помине за да го извлече оружјето, оваа футрола е поудобна и поудобна за носење на оружјето, особено во седечка положба.

Други, специјализирани видови пиштолници се направени да се вклопат во актовки, дневни планери, чанти итн.

Поврзано

• Полиција
• Пиштол