Плутино

Плутино — динамичка група на заднептунски тела кои кружат во резонанција 2:3 со планетата Нептун. Ова значи дека плутиното кружи двапати на секои три кружења на Нептун. Најголемо плутино е џуџестата планета Плутон, по која е наречена самата група. Го носат името на митолошки суштества од подземниот свет.

Овие тела го сочинуваат внатрешниот дел на Кајперовиот Појас и претставуваат една четвртина од телата во него. Ја сочинуваат најбројната класа на резонантни заднетунци. Освен самиот Плутон, првото откриено плутино е (385185) 1993 RO, забележано на 16 септември 1993 г.

Орбити

Првите откриени плутина споредени по големина, албедо и боја.

Потекло

Се смета дека телата кои денес се во средни орбитални резонанции со Нептун првично имале свои разновидни хелиоцентрични патеки. Кога Нептун се преместувал нанадвор во раната историја на Сончевиот Систем, телата кои ги среќавал се расејувале; во текот на ова, некои биле зафатени во резонанции.^[1] Резонанцијата 3:2 е резонанција од низок ред и затоа е најсилна и најстабилна од сите.^[2] Ова е главната причина што има повеќе тела од другите Нептунови резонанции во Кајперовиот Појас. Облакот од нисконаклонети тела подалеку од 40 ае се кубевана, а они есо повисока занесеност (од 0,05 до 0,34) и голема полуоска блиску до резонанцијата 3:2 претежно се плутина.^[3]

Орбитални особености

Распределба на плутината и споредбените големини, претставени милион пати поголеми.

Иако највеќето плутина имаат релативно низок орбитален наклон, дел од нив следат орбити слични на Плутоновата, со наклон од 10–25° и занесеност околу 0,2–0,25; поради тоа, многу од нив имаат перихели блиски до или дури во Нептуновата орбита, а истовремено и афели кои ги приближуваат до надворешниот раб на главниот Кајперовиот Појас (каде се наоѓаат телата се во резонанција 1:2 со Нептун, наречени тутина).

Орбиталните периоди на плутината просечно траат 247,3 години (1,5 пати Нептуновиот), со отстапување од неколку години.

Необични плутина се:

• 2005 TV₁₈₉, кое следи најнаклонета орбита (34,5°)
• (15875) 1996 TP66, кое има најелиптична орбита (занесеност од 0,33), со перихел на половина пат помеѓу Уран и Нептун
• (470308) 2007 JH43, кое следи квазикружна орбита
• 2002 VX₁₃₀, кое речиси совршено лежи на еклиптиката (наклон помал од 1,5°)

Долгорочна стабилност

Влијанието на Плутон врз другите плутина во минатото се занемарувало поради неговата релативно мала маса. Меѓутоа, ширината на резонанцијата (опсегот на полуоски складни со неа) е мошне теска и само неколкупати поголема од Плутоновата Хилова сфера (гравитациското влијание). Следствено на тоа, зависно од првичната занесеност, некои плутина со време ќе излезат од резонанцијата поради заемодејства со Плутон.^[4] Бројчените симулации упатуваат на тоа дека орбититите на плутината со занесеност за 10–30 % помала или поголема од Плутоновата не се стабилни во временски рамки од милијарди години.^[5]

Орбитални дијаграми

• 
  Движењата на Орк и Плутон во вртежен појдовен систем со орбитален период еднаков на Нептуновиот (држејќи го Нептун неподвижен.)
• 
  Орбити и на големини на позначајните плутина (и неплутиното 2002 KX₁₄ за споредба). Орбиталната занесеност е претставен хоризонтално од перихел до афел; наклонот е претставен на вертикалната оска.
• 
  Распределба на плутината (и неплутиното 2002 KX₁₄ за споредба). Приложени се и хистограми за распределбата на орбиталниот наклон и занесеност.

Најсјајни тела

Плутината посјајни од H_V=6 се:

Тело	a (ае)	q (ае)	i (°)	H	Пречник (км)	Маса (1020 кг)	Албедо	V−R	Откриено	Откривач	Навод
134340 Плутон	39,3	29,7	17,1	−0,7	2322	130	0,49–0,66		1930	Клајд Томбо	JPL
90482 Орк	39,2	30,3	20,6	2,31 ± 0,03	917 ± 25	6,32 ± 0,05	0,28 ± 0,06	0,37	2004	М. Браун, Ч. Трухиљо, Д. Рабиновиц	JPL
(208996) 2003 AZ84	39,4	32,3	13,6	3,74 ± 0,08	727,0+61,9 −66,5	≈ 3	0,107+0,023 −0,016	0,38 ± 0,04	2003	М. Браун, Ч. Трухиљо	JPL
28978 Иксион	39,7	30,1	19,6	3,828 ± 0,039	617+19 20	≈ 3	0,141 ± 0,011	0,61	2001	DES	JPL
2017 OF69	39,5	31,3	13,6	4,091 ± 0,12	≈ 380–680	?	?	?	2017	Д. Џ. Толен, С. Шепард, Ч. Трухиљо	JPL
(84922) 2003 VS2	39,3	36,4	14,8	4,1 ± 0,38	523,0+35,1 −34,4	≈ 1,5	0,147+0,063 −,043	0,59 ± 0,02	2003	NEAT	JPL
(455502) 2003 UZ413	39,2	30,4	12,0	4,38 ± 0,05	≈ 600	≈ 2	?	0,46 ± 0,06	2001	М. Браун, Ч. Трухиљо, Д. Рабиновиц	JPL
2014 JR80	39,5	36,0	15,4	4,9	≈ 240–670	?	?	?	2014	Pan-STARRS	JPL
2014 JP80	39,5	36,7	19,4	4,9	≈ 240–670	?	?	?	2014	Pan-STARRS	JPL
38628 Хуја	39,4	28,5	15,5	5,04 ± 0,03	406 ± 16	≈ 0,5	0,083 ± 0,004	0,57 ± 0,09	2000	Игнасио Ферин	JPL
(469987) 2006 HJ123	39,3	27,4	12,0	5,32 ± 0,66	283,1+142,3 −110,8	≈ 0,012	0,136+0,308 −0,089		2006	М. Бује	JPL
2002 XV93	39,3	34,5	13,3	5,42 ± 0,46	549,2+21,7 −23,0	≈ 1,7	0,040+0,02 −0,015	0,37 ± 0,02	2001	М. Бује	JPL
(469372) 2001 QF298	39,3	34,9	22,4	5,43 ± 0,07	408,2+40,2 −44,9	≈ 0,7	0,071+0,02 −0,014	0,39 ± 0,06	2001	М. Бује	JPL
47171 Лемпо	39,3	30,6	8,4	5,41 ± 0,10	393,1+25,2 −26,8 (тројно)	0,1275 ± 0,0006	0,079+0,013 −0,011	0,70 ± 0,03	1999	Е. Рубенштајн, Л.-Г. Стролгер	JPL
(307463) 2002 VU130	39,3	31,2	14,0	5,47 ± 0,83	252,9+33,6 −31,3	≈ 0,16	0,179+0,202 −0,103		2002	М. Бује	JPL
(84719) 2002 VR128	39,3	28,9	14,0	5,58 ± 0,37	448,5+42,1 −43,2	≈ 1	0,052+0,027 −0,018	0,60 ± 0,02	2002	NEAT	JPL
(55638) 2002 VE95	39,4	30,4	16,3	5,70 ± 0,06	249,8+13,5 −13,1	≈ 0,15	0,149+0,019 −0,016	0,72 ± 0,05	2002	NEAT	JPL