Поградец

Поградец или Подградец (албански: Pogradec) — град и седиште на истоимената општина, Област Горица, Југоисточна Албанија. Сместен е на југозападниот брег на Охридското Езеро, во историско-географската област Мокра. Се наоѓа југоисточно од Елбасан, југозападно од Охрид (Р Македонија) и западно од Лерин (Егејска Македонија) и северно од градот Горица (Корча). Градот е наречен по древната тврдина (денес наречена Поградечка тврдина), која се издигала на планинските падини над него (оттаму и „под-градец“).

Поградец Pogradec
Град
Поглед на Поградец
Поградец
Координати: 40°54′0″N 20°39′0″E
Држава	Албанија
Област	Горица
Општина	Поградец
Општинска единица	Поградец
Повик. бр.	(0)83

Црквата „Воскресение Христово“.

Хотелот „Ројал“ на брегот на Охридското Езерото.

Демографски особености

Во градот и околните села и денес живее македонско население, од кои се издвојуваат три кои и денес јасно задржале етничкиот карактер и својата варијанта на охридскиот говор. Ова некогаш бил чисто македонски крај, што е очигледно од називите на населените места во општината (подолу). Иако денес има албанско мнозинство, половината жители се православни, а половината се муслимани. Ова укажува дека целокупното поградечко подрачје подлегнало на процес на албанизација на македонското население во не така далечното минато.

Поврзано

• Поградечка тврдина
• Мокра (област)