Подгорјани

Подгорјани, Подгорени или Подохор (грчки: Ποδοχώρι, Подохори; до 1926 г. Ποδογόριανη, Подогорјани^[2]) — село во Правишко, Егејска Македонија, денес во општината Кушница на Кавалскиот округ во Источна Македонија и Тракија, Грција. Во 2011 г. населението броело 608 жители.

Подгорјани Ποδοχώρι
Поглед на селото
Подгорјани
Местоположба во областа Самоков Местоположба на Подгорјани во општината Кушница и областа Источна Македонија и Тракија
Координати: 40°49.54′N 24°1.30′E
Земја	Грција
Област	Источна Македонија и Тракија
Округ	Кавала
Општина	Кушница
Општ. единица	Орфан
Надм. вис.	&10000000000000320000000320 м
Население (2011)[1]
• Вкупно	608
Час. појас	EET (UTC+2)
• Лето (ЛСВ)	EEST (UTC+3)

Раскрсница во селото.

Географија

Селото е сместено на јужните падини на планината Кушница, југозападно од Правишта. Има два стари камени моста — Лазидевиот^[3] и Горгиевиот.^[4]

Историја

Во Отоманското Царство

Селото некогаш било населено со Македонци, за што сведочи неговото македонско име.

На крајот од XIX век Подгорјани било турско-грчко село во Правишката каза. Подгорјанскиот амам датира од XVII век и прогласен е за споменик на културата во 1997 г.^[5] Црквата „Св. Ѓорѓи“ е од 1847 г.^[6] Во 1889 г. Стефан Верковиќ („Топографическо-этнографическій очеркъ Македоніи“) напишал за Подгорјани:

„

Будохор, христијанско село: 1 црква, 1 училиште. Жителите се Грци. Оддалечено е 1 час од градот.[7]

“

Според статистиката на Васил К’нчов („Македония. Етнография и статистика“) во 1900 г. Подохоръ (Будохоръ) живееле 200 Турци и 450 Грци.^[8]

Во Грција

Во 1913 г. по Втората балканска војна селото е припоено кон Грција. Таа година населението броело 1.035 жители, кое во 1920 г. се намалило на 530, веројатно како последица од Првата светска војна.^[9] Во 1920-тите турското население е иселено и согласно Лозанскиот договор и во 1924 г. доведени се грчки доселеници од Мала Азија.^[9] Во 1928 г. Подгорјани било мешано мештанско-дојденско село со 115 семејства сочинети од 390 жители.^[10]

Население

Населението со време значително нараснало, но подоцна почнало забележително да опаѓа поради иселување во градовите. Подоцна во селот се сместени 60 семејства на Каракачани кои се занимаваат со сточарство.^[9] Еве преглед на населението во сите пописни години, од 1940 г. до денес:

Година	1940	1951	1961	1971	1981	1991	2001	2011	2021
Население	1336	1062	1128	835	725	702	665	608

Извор за 1940-1991 г.: Т. Симовски, Населените места во Егејска Македонија

Месности

Месности во Подгорјани преименувани со службен указ на 5 мај 1969 г.

Име	Грчки	Ново име	Грчки	Опис
Чинар Дере[11]	Τσινὰρ Ντερὲ	Платанорема	Πλατανόρεμα[12]	река ЈЗ од Подгорјани[11]
Барес[11]	Μπάρες	Клисура	Κλεισούρα[12]	месност ЈЗ од Подгорјани[11]
Ментешели[11]	Μεντεσελῆ	Спилија	Σπηλιὰ[12]	поранешно село ЈЗ од Подгорјани[11]
Кавакија	Καβάκια	Левки	Λεύκη[12]	месност Ј од Подгорјани[11]

Цркви

• „Св. Ѓорѓи“ од 1847 г.
• „Св. Илија“
• „Св. Петка“
• „Св. Фануриј“ — параклис