Под Кукуноса (Стањевци)

Под Кукуноса— археолошко наоѓалиште во светиниколското село Стањевци. Претставува населба и некропола од римско време. На оддалеченост од околу 500 м јужно од селото, под ридот Голема Кукуноса, во нивата на Наце Иванов е најдена вотивна плоча од бел мермер со димензии од 25 × 25 × 5 см. Во горниот дел е заоблена лачно, а во централниот дел има релјефна претстава на жртвеник, со по една змија од страните, врз кој е поставен кантарос со сцена на жртвување. Се работи за претстава на синкретистичко божество од фригиско потекло. При обработувањето на нивите мештаните наоѓале темели од објекти и големи плочи од гробови. Теренот е во непосредната близина на населбата на наоѓалиштето Грамади. Вотивната плоча се чува во Народниот музеј во Свети Николе.^[1]

„Под Кукуноса“
Местоположба	41°57′27″N 21°54′12″E
Основни податоци
Место	Стањевци
Општина	Свети Николе
Тип	населба  некропола
Период	римско време
Портал „Археологија“

Поврзано

• Грамади — населба од доцноантичкото време;
• Манево Трло — средновековна населба;
• Орљак - Селиште — средновековна населба и некропола;
• Под Кукуноса — населба со некропола од римското време;
• Римски Бунар — некропола од доцноантичкото време;
• Слатина — могила од римското време;
• Слатина — Цистерна од римското време;
• Стањевци;
• Список на археолошки наоѓалишта во Светиниколско;
• Список на средновековни некрополи во Македонија.