Пиедестал

Пиедестал^[1][2] (француски: piédestal, од италијански: piedistallo од piede „нога“ и stallo „место“) или постамент^[3][4] — уметнички дизајнирана основа на која се поставени дела - скулптура (статуа, скулпторска група, биста), вазна, обелиск, стела и сл.

Различни примери на пиедестали

Историја

Старите Римјани користеле пиедестали како основа за столбови на плоштадите и форумите (на пример, Трајановиот столб, Столбот на Маркус Аврелиј) за да им дадат поголема величественост, а исто така и како основа на столбовите за триумфални порти.

Во царска Кина, пиедесталот за стелите, кои ги овековечувале царевите, традиционално бил камената желка „биси“.

Облиците на пиедесталите се разновидни: геометриски правилни, често со употреба на елементи од архитектонски поредок, украсени со скулпторски релјеф, орнаменти, натписи или во облик на природен, необработен камен, како и предмети.

Други значења

Во преносна смисла - високо значајно место, висока општествена положба, и во оваа смисла се користи во изразите „фрли од пиедестал“, „подигне на пиедестал“.