Првут

Првутот е кожна состојба која главно го зафаќа скалпот.^[1] Симптомите вклучуваат лупење и понекогаш благо чешање.^[1][2] Тоа може да резултира со социјални проблеми и проблеми со самодовербата.^[3] Потешка форма на првут, која вклучува воспаление на кожата е позната како себореичен дерматит.^[1]

Причинната за појава на првутот е нејасна, но се смета дека вклучува голем број генетски и фактори од средината;^[1] состојбата може да се влоши во зима.^[4] Појавата не се должи на лоша хигиена,^[5][6] а основниот механизам вклучува прекумерен раст на кожни клетки.^[4] Дијагнозата се поставува врз основа на симптомите.^[7]

Не постои познат лек за првут.^[8] Противгабичен крем, како кетоконазол, или кератолитички агенс, како салицилна киселина може да се користат за да се подобри состојбата.^[1][2] Првутот погодува околу половина од возрасните, при што мажите се почесто зафатени од жените.^[1] Се јавува кај луѓето од сите делови на светот.^[1] Првично се јавува во пубертетот, а поретко над 50 години.^[1]