Претседател на Русија

Претседателот на Руската Федерација (рус. Президент Российской Федерации) е шеф на државата и врховен командант на Руската Федерација. Иако самиот устав не одредува дека претседателот е шеф на извршната власт, извршната власт де факто е поделена помеѓу претседателот и премиерот (шефот на владата). Моментален претседател на Русија е Владимир Путин во својот втор мандат (2012-).

Претседател на Руската Федерација Президент Российской Федерации
Претседателски стандард
Функционер Владимир Путин од 7 мај 2012 г.
Седиште	Кремљ
Назначувач	избори
Мандат	6 г.; огран. на 2 последователни мандата
Прв функционер	Борис Елцин
Создадена	10 јули 1991
Место во наследниот ред	Премиер на Русија
Мреж. место	президент.рф (руски) (англиски) eng.kremlin.ru

Претседателски околувратник

Посебен претседателски примерок на уставот

Пред 25 декември 1991 г. шефот на владата се нарекувал Претседател на Руската Советска Федеративна Социјалистичка Република (руски: Президент Российской Советской Федеративной Социалистической Республики).

Услови за функцијата

Според Рускиот устав, секој кандидат за претседател мора да биде руски државјанин, да има барем 35 години и постојано да живеел во Русија најмалку 10 години.

Уставот налага дека едно лице може да служи најмногу два последователни мандата, но бројот на мандати е неограничен. Должината на мандатот е шест години. Пред 2012 година беше четири години.

Резиденции

Главната работна резиденција на претседателот е Сенатот во Московскиот Кремљ^[1]. На располагање стои и Големиот Кремљски дворец (церемонијална резиденција) и таканаречената „XIV зграда“^[1] (резервна резиденција).

Тековната станбена резиденција на претседателот е „Ново Огарјово“ (руски: Ново-Огарёво).

Вон Москва, претседателот има разни други ^[2].

• „Рус“ (руски: Русь), Завидово, Тверска област
• „Конгресен“ или „Константиновски дворец“ (руски: Дворец конгрессов, Константиновский дворец), Стрелна, Санкт Петербург
• „Бочаров Поток“ (руски: Боча́ров Руче́й), Сочи
• „Шујскаја Чупа“ (руски: Шу́йская Чупа́) 25 км од Петрозаводск, Карелија
• „Ужин“ (руски: Ужи́н) 20 км од Валдај, Новгородска област
• „Волшки гребен“ (руски: Во́лжский утёс) на брегот на Кујбишевското (вештачко) Езеро
• „Тантал“ (руски: Танта́л, на брегот на реката Волга, 25 км од Саратов
• „Сосни“ (руски: Со́сны = ‚борови') на брегот на реката Енисеј, близу Краснојарск
• „Ангарски чифлиг“ (руски: Анга́рские хутора́) 47 км од Иркутск
• „Мал извор“ (руски: Ма́лый исто́к) во шумите на Екатеринбург

Превоз

За копнениот превоз на претседателот е задолжена Гаражата за посебни намени^[3], оддел во рамките на Федералната служба за обезбедување.

• Лимузини
  • ЗиЛ
  • Mercedes-Benz
• Придружба
  • Mercedes-Benz (со повеќе возила од типот G-Wagen)
  • Chevrolet
• Почесна придружба (мотоцикли)
  • ИМЗ-Урал
  • BMW

Претедателскиот авион за долги летови Иљјушин Ил-96-300ПУ

За воздушниот превоз на претседателот е задолжен авиопревозникот „Росија“ (Россия)^[4].

Главна статија: Претседателски авион на Русија

• Авиони за долги летови
  • Иљјушин Ил-96-300ПУ (долги летови) – главен авион на претседателот
  • Иљјушин Ил-62М (долги летови)
  • Туполев Ту-154 (средни летови)
  • Јаковлев Јак-40 (кратки летови)
• Хеликоптери
  • Ми-8

Претседателскиот авион ги има истите шари како редовните авиони на „Росија“, освен тоа што на опашката е истакнат грбот или претседателскиот стандард наместо знамето на Русија.

Поврзано

• Список на претседатели на Русија
• Претседател на СССР