Професор

Професор е личност која изведува, односно се занимава со предавање одреден предмет во средно училиште, факултет или некаква академија. Најчесто, професорот е човек со завршен факултет и положен стручен испит. Факултетските професори мора да имаат завршено магистратура и докторат и да бидат избрани во научно звање.

Алберт Ајнштајн како професор

Во Република Македонија постојат неколку научни звања: асистент, доцент, вонреден професор и редовен професор. Нивниот избор во исто или во повисоко звање се одвива на секои пет години.^[1][2]

Постои и титула „емеритус“ (Emeritus), којашто се дава на пензионирани професори, кои и понатаму остваруваат значајни достигнувања од одредена научна област.

Професорите како мотив во уметноста и популарната култура

• „Историја на природата“ — кус расказ на австрискиот писател Томас Берхнард од 1978 година.^[3]
• „Последица“ — кус расказ на австрискиот писател Томас Берхнард од 1978 година.^[4]
• „Помиреност“ — кус расказ на Томас Берхнард од 1978 година.^[5]
• „Несреќна љубов“ — кус расказ на Томас Берхнард од 1978 година.^[6]
• „Поинакви односи“ — расказ на рускиот писател Јуриј Мамлеев.^[7]
• „Стариот професор“ — песна на полската поетеса Вислава Шимборска.^[8]