Варикозни вени

Варикозни вени (или проширени вени) — вид на заболување кое се јавува кај нозете бидејќи, во својот пат околу телото, доста е тешко крвта да се искачи нагоре по нозете. За да се спречи крвта да се врати назад, нашите вени имаат залистоци што се затвораат зад крвта како што таа се движи низ вените. Ако овие залистоци попуштат, доаѓа до собирање на крв во вените, што предизвикува тие да се набубрат.

Варикозни вени
Синоними	Проширени вени
Лева нога со варикозни вени
Специјалност	Васкуларна хирургија, дерматологија
Симптоми	Нема, болка
Компликации	Крварење, суперфицијален тромбофлебитис
Ризик-фактори	Дебелина, недоволно вежбање, повреда на ногата, семејна историја, бременост
Дијагностички метод	Врз основа на испитувањата
Диференцијална дијагноза	Артериска инсуфициенција, периферен невритис[1]
Лекување	Компресивни чорапи, вежби, склеротерапија, хирургија
Прогноза	Најчесто се повторува
Честота	Многу честа

Ризикот за добивање проширени вени се зголемува кај следниве луѓе:

• оние кои се бремени
• оние со голема дебелина
• оние со голема височина
• оние кои долго време стојат или седат во една положба (работење во продавница, на пример)
• оние со семејна историја на проширени вени

Проблеми со проширени вени

Некои луѓе сакаат да ги отстранат проширените вени затоа што не им се допаѓа изгледот. Но, проширените вени исто така создаваат чувство на замор и неудобност во нозете. Кожата над проширените вени може да стане сува, тенка и да чеша (воспаление на кожата). Во најопасен случаи, лошата циркулација може да доведе до шлог.