Раденска

Раденска (изворно на словенечки: Radenska) ― словенечки светски познат бренд на минерална вода, заштитен знак на стопанското друштво Раденска доо. Тој е еден од најстарите словенечки брендови.

Раденска

Минерална вода на Раденска
Држава	Словенија
Воведена	1869; пред 155 години (1869)
Извор	Раденци
Вид	Минерална вода
Калциум (Ca)	220
Хлорид (Cl)	44
Бикарбонат (HCO3)	2000
Магнезиум (Mg)	95
Калиум (K)	70
Натриум (Na)	400
Сулфат (SO4)	72
Мрежна страница	www.radenska.si
Сите концентрации во милиграми по литар (mg/L); pH без единици

Историја

Д-р Карл Хен.

Развојот на стопанското друштво за минерална вода започнал во Раденци во 1869 година, кога Карл Хен, сопственик на земјиштето, ги наполнил првите шишиња минерална вода. До крајот на векот, друштвото продало над 1 милион шишиња.^[1]

Во 1970 година, Раденска имала свое складиште во тогашното село Горно Лисиче, Скопско.^[2]

Три срца

Лименка „Раденска три срца“.

Брендот за минерална вода Раденска три срца (Раденска три срца) е во употреба од 1936 година. Дизајниран е во 1931 година од илустраторот Милко Бамбич. Според авторот, трите срца симболизирале три поранешни народи на Кралството Југославија: Србите, Хрватите и Словенците.^[3]

Спонзорство

Друштвото е насловен спонзор на велосипедистичката екипа во УЦИ Континентал, Љубљана Густо Сантик.^{[се бара извор]}