Рендина (река)

Рендина (грчки: Ρήχιος, Рихиос; старо Ρεντίνα, Рендина) — река во Лагадинско, Егејска Македонија.

Рендина Ρήχιος
Местоположба
Земји	Грција
Крај	Лагадинско, Егејска Македонија
Физички особености
Извор
• место	Бешичко Езеро
• координати	40.6526°N 23.5994°E / 40.6526; 23.5994
Устие
• место	Струмски Залив кај Ставрос
• координати	40.6783°N 23.6938°E / 40.6783; 23.6938
Особености на сливот
извор утока

Опис

Реката истекува од Бешичкото Езеро и тече на исток. Веднаш по селото Рендина во минатото ја примала големата лева притока Масларска Река (Дриста), која подоцна е пренасочена во канал кон езерото. Потоа реката влегува во тесната Рендинска Клисура меѓу планината Сугљани на југ и Псили Рахи (341 м), јужен огранок на Орсова Планина, на север. Во средновековието влезот во клисурата го чувала Рендинската тврдина. По клисурата, реката излегува во низината на Аспровалта и се влева во Струмскиот Залив (наречен и Рендински Залив) на Егејското Море северно од Ставрос.^[1]

Името Ρήχιος (на старогрчки Рехиос, македонизирано во Рехиј, а на денешен грчки Рихиос) е обновеното античко име на реката кое се среќава во делото „За градбите“ на Прокопиј Кесариски (VI век). Сепак, поистоветувањето со Рендина не е сигурно.^[2]

Притоки

→ лева, ← десна

• → Неришта (Масларска Река, Дриста)
• ← Хасан Дере (Хасанолакос)

Поврзано

• Рендинска битка
• Рендинска тврдина