Рудина (Свети Николе)

Рудина — археолошко наоѓалиште во Свети Николе Претставува населба од римско време. Се наоѓа во јужниот дел на градот, на височинка што се издига на десната страна од патот кон железничката станица Овче Поле. На самиот врв има зарамнето плато, издолжено во правец север-југ, кое зафаќа простор од 300 × 150-200 м. Според кажувањето на мештаните, при обработувањето на нивите биле вадени камени блокови од темели на објекти, а биле најдени и повеќе монети од кои се зачувани само две,од царевите Проб и Диоклецијан. И денес на површината, освен градежен материјал, може да се сретнат и фрагменти од керамички садови. Значаен наод претставува фрагментот од мермерна плоча, со димензии од 23 × 20 × 5 см, на кој има релјефна претстава на сцена од жртвување. Наоѓалиштето е мошне опустошено со градежните работи за зградата на Електродистрибуција, а и со временските влијанија. Наодите се чуваат во Музејската збирка во Св. Николе.^[1]

„Рудина“
Местоположба	41°51′54″N 21°56′33″E
Основни податоци
Место	Свети Николе
Општина	Свети Николе
Тип	населба
Период	римско време
Портал „Археологија“

Поврзано

• Свети Николе;
• Список на археолошки наоѓалишта во Светиниколско;
• Список на средновековни некрополи во Македонија.