Рудник „Дамјан“

Рудникот „Дамјан“ близу Радовиш, е наоѓалиште на железна руда, што ги зазема централните делови од рудниот реон Бучим–Дамјан–Боров Дол.^[1] Со истражувања се утврдени резерви од околу 6,5 милиони тони руда со 35% железо. Рудникот во редовна експлоатација бил во периодот 1968–1992 година. Во градбата на ова наоѓалиште учествуваат: палеогени седименти, терциерни вулканити и скарнови. На контактот помеѓу вулканските пробои и палеогениот флиш е создадена моќна скарновска зона со Fe–минерализација.^[2] Fe–оруднувањето е сместено претежно во скаровите, а на места и во чисто варовничките партии на палеогениот флиш. Рудните тела имаат облик на псевдослоеви (издолжени складови и леќи) изградени претежно од компактни магнетитско-хематитски руди.^[3]

Железна руда магнетит од наоѓалиштето во Дамјан

Железна руда хематит од наоѓалиштето во Дамјан

За други значења на поимот Дамјан видете на појаснителната страница

Во близина на рудникот за железо се наоѓа рудникот Бучим за бакар, злато и сребро.