Саан

Саан е метален сад кој се користел за чување храна, најчесто овошје, во Отоманска Македонија. Садот е едноделен и често бил декориран во зависност од изработувачот.

Опис

Саанот служел за ставање овошје, слатки и слично. Има висока тркалезна ѕвончеста нога која нагло се проширува нагоре во бочни страни, а на горниот раб завршува со поширок чембер, подаден нанадвор. Ногата на саанот по целата површина е украсена со неодредени мотиви, изведени во техниката режење, со што е добиено ажурно декорирање. Во зависност од изработувачот, саанот може да биде декориран со геометриски фигури, природни елементи или слично.^[1] Постојат и саани со поклопци, со различни форми и декорации.