Саат-кула (Кратово)

Саат-кула во Кратово — саат-кула во градот Кратово, една од шесте кули кои останале од средновековниот и турскиот период на градот. Се претпоставува дека е изградена во доцниот среден век (веројатно во 1372 г.)^[1], а во текот на османлискиот период живееле богати турски бегови.

Поглед на Саат-кулата во Кратово

Градба

Кулата е ѕидана од клесан камен, којшто се вадел од околината на градот, а покривот е од камени плочи. Внатрешноста на кулите е поделена на 3 ката, од кои горните се со по еден балкон и одделенија за живеење. Прозорците се заштитени со железни решеткии и се со различни димензии, во долниот дел тие се потесни и издолжени, додека на погорните катови се пошироки.

Обнова

Во 2004 година со средства на Министерството за култура, кулата за првпат е делумно санирана, реконструирана и преуредена со мали поставки кои се наоѓаат на првиот и вториот кат, додека на третиот кат посетителите можат да одморат во удобна атмосфера гледајќи низ прозорците или од балконот кон средновековното Кратово.

Од 2008 година, Саат-кулата му припаѓа на градскиот музеј, кој управува со нејзе и се грижи за самата градба.

Музејска поставка

Во рамките на кулата се наоѓаат мала музејска поставка која го прикажува Кратово низ вековите.

Часовник

Часовникот на кулата одамна не е во функција и не постои никаков механизам за часовник внатре во кулата. Сепак поради тоа што некогаш постоел механизам со часовник во самата кула, оттаму самата кула го добила и своето име.^[1]

Галерија

• 
  Градбата сликана од улица
• 
  Терасата на врвот на кулата
• 
  Поглед кон самата кула
• 
  Поглед кон самата кула
• 
  Горниот дел на кулата
• 
  Врвот во внатрешноста на кулата
• 
  Знак за кулата
• 
  Поглед на кулата
• 
  Крајниот врв на кулата
• 
  Кулата и околината во која се наоѓа
• 
  Изложбен дел на кулата
• 
  Изложбен дел на кулата
• 
  Внатрешноста на влезот на тунелот под кулата
• 
  Внатрешноста на влезот на тунелот под кулата