Саат-кула (Крива Паланка)

Саат-кула (Крива Паланка) — времемерно здание во градот Крива Паланка.^[1]

Саат-кула Крива Паланка
Општи податоци
Стил	османлиска архитектура
Град	Крива Паланка
Земја	Македонија
Почната	XVIII-XIX век
Урната	1958

Била сместена на една височинка од десната страна на магистралниот пат кон Бугарија, кој поминува низ градот.

Историја

Се смета дека била изградена кон крајот на XVIII и почетокот на XIX век. Поради дотраеност била урната во 1958 година.^[1]

Архитектура

Имала квадратна основа и висина од 12 метри.^[1]

Била изѕидана од камен дебел половина метар, а во внатрешноста воделе дрвени скали. Најгоре се наоѓал механизмот на часовникот и големо месингено ѕвоно. Механизмот бил поврзан со две дебели јажиња со тегови, кои наизменично се кревале и спуштале во дупка. За часовникот се грижел Али-бег, познат саатчија. Се навивал секои 24 часа.^[2]

Обнова

Со обновата на административната зграда на Општина Крива Паланка, градот Крива Паланка повторно добил градски саат, кој бил поставен на врвот на новата зграда.^[2]