Саат-кула (Неготино)

Саат-кула во Неготино — саат-кула во Неготино, подигната во почетокот на XIX век, поточно во текот на 1810 година,^[1], од Хаџи Таир-ага Синан близу неговиот чифлиг. Тој го изградил и безистенот во Неготино, кој изгорел во пожарот од 1913 година.

Саат кула
Моменталната состојба на саат-кулата
Општи податоци
Град	Неготино
Земја	Македонија
Почната	1810
Урната	XX век
Проектирање и изградба
Архитект	Хаџи Таир-ага Синан

За историјата на кулата може да се прочита на натписи над влезот на кулата, кои се напишани на арапски јазик.

Изглед

Во основата, кулата е шестаголна, висока околу 15 метри, и е ѕидана исклучиво од камен, со блокови со дебелина од околу еден метар. Горниот дел завршувал со дрвена конструкција, во кој бил поместен саатот (подоцна урнат). Од западната страна се наоѓа влезот изработен од кршен камен со полукружен надвратник.

Конзервација

Во текот на 2015 година се појавиле планови за нејзина конзервација, по што се очекува објектот да биде и заштитен. Проектот за конзервација на саат-кулата во Неготино е во соработка помеѓу локалниот Музеј на град Неготино, општината и Министерството за култура на Македонија со средства во висина од 500 илјади денари.^[2]

Галерија

• 
  Изглед кон Неготино со саат-кулата, почетокот на ХХ в.
• 
  Градбата на саат-кулата
• 
  Градбата на саат-кулата
• 
  Моменталниот изглед на саат-кулата