Сабрина

Сабрина е филм од 1954 година режиран од Били Вајлдер. Во главните улоги се појавуваат Хемфри Богарт, Одри Хепберн и Вилијам Холден.

„Sabrina“
ДВД обвивка
Режисер	Били Вајлдер
Продуцент	Били Вајлдер
Сценарист	Семјуел Тејлор (претстава) Били Вајлдер Ернест Леман[1]
Главни улоги	Хемфри Богарт Одри Хепберн Вилијам Холден
Музика	Фредерик Холандер
Кинематографија	Чарлс Ланг
Дистрибутер	Paramount Pictures
Премиера	9 септември 1954 (Лондонска премиера)
Времетраење	113 минути[2]
Земја	САД
Јазик	Англиски
Бруто-заработка	$4 милиони [3]

Кратка содржина

Сабрина Ферчајлд (Хепберн) е младата ќерка на семејниот возач на семејството Лараби, Томас (Џон Вилијамс) и е вљубена во Дејвид Лараби (Холден) целиот нејзин живот. Дејвид пак, е мрзлив плејбој, луд за жени, кој никогаш не ја забележува Сабрина. Откако Сабрина посетува кулинарска школа во Париз, се враќа како многу привлечна и софистицирана жена и Дејвид веднаш е привлечен од неа. Линус (Богарт), Дејвидовиот брат кој е зависник од работа, го забележува ова и е уплашен дека венчавката на брат му со една многу богата жена што наскоро треба да се случи може да биде загрозена. А ако венчавката се откаже, тогаш отпаѓа и големата зделка со нејзиното семејство. Така, Линус се обидува да ја заведе Сабрина, но во текот на овој процес чија единствена цел е да ја одвои од брат му, тој се вљубува во неа.

"La vie en rose"

Во овој филм, Хепберн ја пее "La vie en rose" што во превод од француски значи "Живот во розово", најпознатата песна на француската пејачка Едит Пјаф. Мигот кога ја пее е непосредно по нејзиното враќање од Париз кога нејзиниот живот навистина станува порозов.

Зад сцената

Одри Хепберн во Сабрина

Кери Грант бил првобитно повикан да ја игра улогата на Линус, но поради неговиот згуснат распоред, Хемфри Богарт ја наследил истата.

Во текот на продукцијата на филмот, Хепберн и Холден биле дел од една кратка, но страсна и медиумски покриена афера. Богарт пак се жалел дека на Одри ѝ се потребни многу снимања за да го изведе правилно својот дијалог, пред сè како плод на нејзиното неискуство. А сепак, како што подоцна се дознава, однесувањето на Богарт спрема Хепберн било многу подобро во споредба со неговото однесување спрема останатите холивудски ѕвезди.

Иако Едит Хед за костумите во филмот добил „Оскар“, всушност, најголем дел од фустаните се создадени од страна на Хуберт де Живанши и избрани од самата Одри Хепберн. Од овој филм започнува нивната долгогодишна соработка.

Награди и признанија

Одри Хепберн и Вилијам Холден во Сабрина

Сабрина е номиниран за шест оскари.

Освоени:

• Оскар за најдобра костимографија - Едит Хед

Важни Номинации:

• Оскар за најдобар режисер - Били Вајлдер
• Оскар за најдобра глумица - Одри Хепберн