Св. Никола (Октиси)

Св. Никола — археолошко наоѓалиште во струшкото село Октиси. Претставува старохристијанска базилика од почетокот на V век.

„Св. Никола“
Изложени мозаици на базиликата во Народниот музеј во Струга.
Местоположба	41°14′08″N 20°36′03″E
Основни податоци
Место	Октиси
Општина	Струга
Тип	базилика
Период	старохристијанско време
Портал „Археологија“

Врз темелите на оваа старохристијанска базилика денес стои главната селска црква „Св. Никола“, која се наоѓа на северната страна од селото, изградена во 1925/27 година.^[1]

Заштитни, а потоа и систематски археолошки ископувања се вршени од 1954 година од страна на Археолошкиот музеј на Македонија, под раководство на Димче Коцо и други истражувачи, сè до 1994 година. Базиликата има трикорабен наос со димензии од 27,2 × 24,1 м, нартекс, егзонартекс, бочни анекси и крстилница. Изградена е во една фаза, а подовите во централниот кораб, нартексот, крстилницата и северниот анекс се покриени со разнобојни мозаици, украсени со геометриски и цветни елементи и слабо зачувани животински претстави.^[1]

Наодите се чуваат во Народниот музеј во Струга.

Во 2013 г. е решено да се обноват разните мозаици на базиликата, со можност и да се изложат во наменски објект до црквата.^[2]

Слики

• 
  Мозаик од базиликата
• 
  Мозаик од базиликата
• 
  Мозаик од базиликата

Поврзано

• Список на археолошки наоѓалишта во Струшко