Сечило на бесмртникот

Сечило на бесмртникот (јапонски: 無限の住人, англиски: Blade of the Immortal) — манга од Хироаки Самура, објавена од 25 јуни 1993 до 25 декември 2012 г. во списанието Monthly Afternoon. Дејството на делото се одвива во Јапонија во средината на владеењето на шогунатот Токугава, почнувајќи од 2 година од епохата тенмеи (1782). Во 2008 г. била објавена аниме-серија од Bee Train и Production I.G.^[1] Истата година бил објавен романот Blade of the Immortal: Legend of the Sword Demon. Во 2017 г., бил објавен долгометражен филм со живи глумци, „Сечило на бесмртникот“. Во октомври 2019 г. започнала да се прикажува нова аниме-серија, овој пат во производство на Liden Films, а завршила во март 2020 г.^[2][3]

Корицата на првиот том, вклучувајќи го Манџи

Содржина

Ова е приказната за Манџи, вешт самурај, чија крв содржи крвни црви што му дозволуваат да ја преживее речиси секоја повреда, па дури и може повторно да прикрепи отсечен екстремитет. Тој станува бесмртен во рацете на 800-годишната калуѓерка по име Јабикуни, а по смртта на неговата сестра ѝ дава понуда: во минатото, Манџи убил сто самураи (вклучително мажот на неговата сестра), а за да се искупи за својата вина тој ветил дека ќе убие 1000 „недостојни“ и додека го прави тоа, ќе биде поддржан од кесенчу (крвни црви). Ако Манџи ја исполни својата заклетва, крвните црви ќе го напуштат неговото тело.

Манџи се среќава со една млада девојка по име Рин Асано и ветува дека ќе ѝ помогне да се одмазди за нејзините родители, кои биле убиени од чета мечувалци предводена од Аноцу Кагехиса. Аноцу го убил таткото на Рин и сите ученици во неговото доџо. Целта на Аноцу е да ги собере сите отфрлени и да основа нова, исклучителна моќна школа, „Ито-рју“ (школа што учи каква било техника што води до победа, без разлика колку е егзотична или коварна), а ги уништува другите доџа. Освен тоа, се појавува друга група, која себеси се нарекува „Мугаи-рју“, спротивставувајќи се на „Ито-рју“. Тие се обидуваат да побараат помош од Манџи бидејќи имаат иста цел. Манџи на крајот им се придружува, но брзо заминува откако дознава дека еден од членовите на Мугаи-рју, Шира, е премногу садист. По некое време, Манџи открива дека Мугаи-рју работат за владата. Сите нејзини учесници се злосторници осудени на смрт, на кои им е дозволено да живеат само ако му служат на шогунатот. Омразата на Манџи и Шира еден кон друг брзо расте, но откако Шира бега, Манџи останува во пријателски односи со другите членови на групата.