Сива економија

Сива или неформална економија (англиски: grey economy, informal economy) претставува дел од економската активност која не е регистрирана во официјалната статистика.

Уличен продавач во Колумбија

Сивата економија во Македонија

Според Државниот завод за статистика, во 2013 година, неформалниот сектор учествувал со околу 20% во БДП на Македонија. Во 2011 година, лицата вработени во неформалниот сектор зафаќале 25% во вкупната вработеност, додека во 2013 година, тој процент паднал на 22,5%. Притоа, бројот на неформално вработените бил поголем кај машкото население отколку кај женското, а учеството на младите лица (на возраст од 15 до 24 години) во сивата економија изнесувало 13,4%.^[1]

Според „Стратегијата за формализирање на неформалната економија 2018-2022“ на Министерството за труд и социјална политика, најчести форми на неформална економија се:^[2]

• Затајување на данок
• Неправилности во примената на Законот за работни односи
• Висок степен на мито и корупција
• Недозволена и непријавена прекугранична трговија со добра
• Високо учество на готовина во масата на пари
• Извршување на зделки во натура или компензација