Скијачки центар „Маврово“

Скијачки центар „Маврово“, офиц. Скијачки центар „Заре Лазарески“ — скијачки центар покрај селото Маврово, Гостиварско. Идеен основач на овој скијачки центар е Заре Лазарески, и поради тоа скијачкиот центар го носи неговото име.

Двоседата жичница во 2016 год.

Вкупно има изградено 3 жичници и 11 влечници (ски-лифтови), од кои првата жичница е изграден уште во 1964 година. Вкупната должина на патеки изнесува 15,5 км. Патеките за скијање се наоѓаат на надморска височина од 1.255 па сѐ до 1.878 м.н.в. Влечниците и жичниците имаат вупен капацитет од 11.100 лица на час. Скијачкиот центар се наоѓа на 30 км од градот Гостивар.

Жичници

Име	Вид	Име на патеката	тежина на патеката	М.н.в. (почетна)	М.н.в. (крајна)	Вис. разлика	Брзина (м/с)	Време на возење	Должина (м)	Капацитет (лица/час)	Производител
Корија (Едносед)	едноседна	„Корија“ (т.н. „Стара стаза“)	црна	1.255	1.604	349	2	9 мин 10 сек	1.002	450	н/п
Маврово 1	двоседна	„Брзача“ (т.н. „Нова стаза“)	црна	1.268	1.680	412	2	17 мин	1.862	800	Допелмајр
Маврово 2	двоседна	„Брзача“ (т.н. „Нова стаза“)	црна	1.268	1.682	414	2	16 мин	1.775	600	Лајтнер

Влечници

Име	Боја (тежина на патеката)	Вид	М.н.в. (почетна)	М.н.в. (крајна)	Висинска разлика (м)	Брзина (м/с)	Време на возење	Должина (м)	Капацитет (лица/час)	Производител
Електроцентрали Маврово (т.н. Црвен ски-лифт, Прв ски лифт)	црна	сидро	1.604	1.690	86	2,3	2 мин 30 сек	313	900	Допелмајр
Бочковец (т.н. Плав ски-лифт)	црвена	сидро	1.613	1.724	111	2,3	5 мин 30 сек	689	900	Допелмајр
Зелен [б 1]	црвена	сидро	1.640	1.717	77	2,3	2 мин 30 сек	305	900	Допелмајр
Детска радост	зелена	чинија	1.678	1.721	43	2,3	2 мин 30 сек	307	900	Допелмајр
Смрека (т.н Жолт ски-лифт)	зелена	сидро	1.672	1.725	53	2,3	2 мин 30 сек	407	900	Допелмајр
Повратен (стар)	зелена	сидро	1.657	1.725	68	2,5	3 мин 50 сек	475	900	Допелмајр
Повратен (нов)	сина	сидро	1.657	1.725	68	2,3	3 мин 40 сек	475	900	Допелмајр
Галички	црвена	сидро	1.666	1.798	132	2,3	8 мин 40 сек	1.087	900	Допелмајр
Мал Галички	црвена	сидро	1.686	1.791	105	2,5	4 мин	539	1000	Лајтнер
Белички	црвена	сидро	1.726	1.878	152	2,3	7 мин 2 сек	923	900	Допелмајр
Бачило [б 2]		сидро	1.658	1.680	22	н/п	н/п	н/п	н/п	Допелмајр

Белешки

1. Претходно сместена во местото Мирна Долина.
2. Вон функција.

Патеки

Вкупната должина на тешки (црни) патеки за алпско скијање е 5 км, среднотешки (црвени) патеки се со вкупна должина 6,5 км и лесни (сини) патеки има вкупно 4 км.

Исто така, во овој скијачки центар е и познатата патека за нордиско скијање „Мирна Долина“ на истоименото место. На оваа патека се организира меѓународниот натпревар во нордиско скијање „Мавровски меморијал“, посветен на 52-те загинати лица во лавината која ги има затрупано објектите за сместување на луѓето кои работеле на изградбата на хидросистемот „Маврово“.

Скоро половина од патеките за алпско скијање имаат систем за вештачко оснежување.

Надворешни врски

• Скијачки центар „Маврово“ на Ризницата ^?
• Портал на скијачкиот центар „Маврово“
• Подробна карта на скијачкиот центар
• Ski resort Zare Lazareski