Скијање

Скијање — вид превоз, рекреативна активност или натпреварувачки зимски спорт во кој учесниците користат скии за да се лизгаат по снегот. Повеќето видови скијање се признати од Олимпискиот комитет и од Меѓународната скијачка федерација.

Скијач во Франција.

Историја

Скијањето има историја од скоро пет милениума.^[1] Сепак современото скијање се создало во Скандинавија, но се смета дека пред 100 века се вежбала во денешна Кина, според стари цртежи.^[2][3]

Зборот скијање е од норвешко потекло, но се користи меѓународно. Доаѓа од стариот норвешки збор „skíð“ што значи „одвоено парче дрво“.^[4][5]

Раните скијачи користеле една долга штека или копје. Првиот опис на скијач со две штеки датира од 1741 година.^[6]

Сè до средината на 19 век, скијањето се користело само за превоз, а од тогаш се смета за рекреација и спорт. Армиските скијачки трки се одржувале во 18 век во Норвешка, а скијачкото војување било изучувано при крајот на 18 век. Со развојот на опремата за скијање и со појавата на ски-лифтовите, скијањето се поделило на два типа, алпско и нордиско скијање.

Опрема

Опремата која се користи за скијање вклучува:

• Скии, кои можат да имаат кожа или восок за полесно лизгање.
• Чизми и ски-спојки
• Штеки
• Кациги и скијачка облека
• Ракавици за скијање

Поврзано

• Алпско скијање
• Алпска комбинација
• Спуст
• Супервелеслалом
• Велеслалом
• Слалом
• Скијалиште