Сојуз на композиторите на Македонија

Сојузот на композиторите на Македонија или скратено СОКОМ претставува највисока организација која ги обединува македонските композитори. Основан е на 19 јануари 1947 година од страна на основоположниците на македонското современо музичко творештво, Петре Богданов - Кочко (претседател), Тодор Скаловски (потпретседател), Славко Костовски (секретар), Васил Ќортошев (касиер), Живко Фирфов (член), Драган Ѓаконовски - Шпато (член), Стефан Гајдов, Трајко Прокопиев и во просториите на тогашното Радио Скопје под името Друштво на музичарите на Македонија. Цел на ова друштво била организирано издигнување на македонската музичка култура. Од 2017 година директор е Јане Коџабашија.^[1]

Лого на сојузот

Награди

Ова се наградите кои ги доделува СОКОМ:^[2]

• „Трајко Прокопиев“ — награда за животно дело;
• „Панче Пешев“ — наградата за најдобро премиерно изведено дело од македонски автор во претходната година;
• „Георги Божиков — наградата за најдобра изведба на дело од македонски автор во претходната година на ансамбли или музички уметници;
• „Виртуози“ — награда за најуспешни музички и балетски уметници (се доделува од 2012)^[3]