Струмичанка под маска

Струмичанка под маска — споменик на плоштадот „Гоце Делчев“ во Струмица, кој ја претставува карневалската традиција како важен елемент на културниот идентитет на градот и неговите жители.

Струмичанка под маска
Координати	41°26′20.1″N 22°38′16.2″E
Место	Плоштад „Гоце Делчев“
Проектант	Наташа Божарова - Пијанманова
Материјал	бронза
Отворен	10 декември 2010
Посветен на	Струмички карневал

Споменикот е поставен на платото од плоштадот, како дел од реконструкцијата на градскиот плоштад, која официјално завршила на 10 декември 2010 година. Автор на споменикот е македонската вајарка Наташа Божарова – Пијанманова.^[1], а самиот споменик го симболизира значењето на Струмичкиот карневал за градот.^[2] Изработен од бронза, споменикот му е посветен на познатиот струмички карневал кој традиционално секоја година се оджува по повод тримерските празнувања и почетокот на големите велигденски пости.

Бронзената фигура, изработена во природна големина, во едната рака држи карневалска маска, а во другата знаме со релјеф на грбот на Струмица. На четирите страни од мермерното постолје се испишани податоци за надморската височина, географската широина и други корисни информации поврзани со Струмица и регионот.

Галерија

• 
  Ликот на жената
• 
  Карневалската маска
• 
  Поглед кон предниот дел на статуата

Поврзано

• Струмички карневал
• Тримери
• Плоштад „Гоце Делчев“