Средна Горица (Велмеј)

Средна Горица — археолошко наоѓалиште во охридското село Велмеј, Општина Дебрца. Претставува некропола од ранословенско време.

„Средна Горица“
Местоположба	41°17′35″N 20°52′37″E
Основни податоци
Место	Велмеј
Општина	Дебрца
Тип	некропола
Период	ранословенско време
Портал „Археологија“

Се наоѓа на 2,2 км западно од селото, на потегот меѓу Грко Поле и Велмеј, на средната од трите „горици“ - тумби, што се протегаат на овој простор. Според В. Лахтов, по западната падина се забележувале остатоци од поголем број растурени гробни конструкции од бигорни камени плочи, со насоченост исток-запад. Од сопственикот на нивата (Злате Наумоски од Велмеј) во 1953 г. било откупено керамичко сатче со временска припадност на доцната антика. При копањето на една мала контролна сонда во 1957 година В. Лахтов открил разурнат гроб и во него златен прстен. Денес просторот е обраснат со трева, а од гробните конструкции нема видливи траги.^[1]

Поврзано

• Список на археолошки наоѓалишта во Охридско