Старо Село (Кравари)

Старо Село — археолошко наоѓалиште во битолското село Кравари. Претставува населба од неолитско, бакарно и бронзено време. Се наоѓа на околу 800 м источно од центарот на селото, а лево од современиот пат Битола-Лерин. Има развлечена неправилна кружна основа и височина до 2 м. Во поново време во центарот на тумбата е подигната црквата „Успение на Пресвета Богородица“ со гробиштата околу неа. На источниот крај е пресечена со железничката пруга Битола-Лерин. По површината се среќаваат фрагменти од керамички садови, а најдени се калап од камен за леење на секири и секира од бакар со едно сечило. Наодите се чуваат во Заводот и музеј во Битола.^[1]

„Старо Село“
Местоположба	40°58′59″N 21°22′0″E
Основни податоци
Место	Кравари
Општина	Битола
Тип	населба
Период	неолитско време
	бакарно време
	бронзено време
Портал „Археологија“

Поврзано

• Тумба — населба од неолитско време;
• Жеждево — населба од доцноантичко време;
• Црна Земја — населба од доцноантичко време;
• Чукут — некропола од доцноантичко време.
• Кравари;
• Список на археолошки наоѓалишта во Битолско;