Стилијан Петров

Стилијан Аљошев Петров (бугарски: Стилиян Альошев Петров; роден 5 јули 1979) — поранешен бугарски фудбалер, играч од средниот ред.

Стилијан Петров
Петров играјќи за Астон Вила
Лични податоци
Полно име	Стилијан Аљошев Петров[1]
Роден на	5 јули 1979
Роден во	Монтана, Бугарија
Држава	Бугарија
Висина	1,80 м[2]
Играчки податоци
Позиција	среден ред
Повлекување	22 август 2016
Младинска кариера
	Монтана
Кариера*
Години	Клуб	Наст.†	(Гол.)†
1996–1999	ЦСКА Софија	43	(6)
1999–2006	Селтик	228	(55)
2006–2013	Астон Вила	185	(9)
Репрезентација ‡
1998–2012	Бугарија	105	(8)
* Ажурирано на: 18:25, 31 март 2012 (UTC) ** Ажурирано на: 18:25, 31 март 2012 (UTC)

Кариерата ја започнал во екипата на Монтана, а како професионалец играл за три клуба: ЦСКА Софија (1996-1999), Селтик (1999-2006) и Астон Вила (2006-2013). Во 2003 година додека играл за Селтик бил избран за Бугарски фудбалер на годината.

Во март 2012, на Петров му била дијагностицирана акутна леукемија поради која морал да ја прекине привремено својата кариера.^[3] На почетокот на натпреварот на Астон Вила против Челзи, во 19 минута се одржал едноминутен аплауз, посветен на бројот 19 на неговиот дрес. Според изјавата на неговиот претставник Стивен Хјуз за Скај спортс, тој немал намера да се повлече од фудбалот.^[4] Во јули 2016 година, за првпат после болеста повторно заиграл за Астон Вила во пријателскиот претсезонски натпревар против австрискиот ГАК во победата со 8-0.^[5] Сепак, на 22 август 2016, тој го објавил своето повлекување од фудбалот откако не успеал да пронајде договор за продолжување на соработката со Астон Вила.^[6].

За бугарската репрезентација (1998-2012) одиграл вкупно 105 натпревари и постигнал 8 голови. Со неа учествувал на Европското првенство во 2004 кога бил и капитен на репрезентацијата.

Титули

ЦСКА Софија

• Бугарско првенство : 1
  • 1996-1997.
• Куп на Бугарија : 2
  • 1996-1997, 1998-1999.

Селтик

• Шкотско првенство : 4
  • 2000-2001, 2001-2002, 2003-2004, 2005-2006.
• Куп на Шкотска : 3
  • 2000-2001, 2003-2004, 2004-2005.
• Лига куп на Шкотска : 3
  • 1999-2000, 2000-2001, 2005-2006.
• Куп на УЕФА :
  • Финалист : 2003.

Астон Вила

• Лига куп на Англија :
  • Финалист : 2010.

Поединечни награди

• ПФА Најдобар млад играч на годината во Шкотска : 2001.
• Играч на годината на Селтик : 2005.
• Играч на годината на Астон Вила избран од страна на играчите : 2009, 2012.
• Играч на годината на Астон Вила избран од страна на навивачите : 2009.
• Бугаски фудбалер на годината : 2003.