Стоболка

Стоболка или европска стоболка (науч. Spermophilus citellus) — вид животно од семејството на вервериците. Заедно со дамчестата стоболка (Spermophilus suslicus) се единствени претставници на родот стоболки (Spermophilus) во Европа.

Стоболка
Заштитен статус
Загрозен  (МСЗП 3.1)[1]
Научна класификација [ у ]
Царство:	Животни
Тип:	Хордови
Класа:	Цицачи
Ред:	Глодачи
Семејство:	Верверици
Род:	Стоболки
Вид:	Стоболка
Научен назив
Spermophilus citellus (Linnaeus, 1766)
Распространетост
Синоними
Citellus citellus (Linnaeus, 1766) Mus citellus Linnaeus, 1766

Опис

Стоболката расте до должина од 20 см и тежи помеѓу 200 и 400 грама. Таа е дневно животно и живее во колонии од поединечни дувла на пасишта и тревнати косини. Денски излегува за да храни, и тоа претежно со семиња, фиданки, корења и наземни безрбетници. Секоја колонија има стоболка што чува стража и им дава звучен сигнал на останатите кога наодаѓа некоја опасност.

Стоболката спие зимски сон помеѓу есента и месец март, зависно од климата. За презимувањето се подготвува со таложење на кафеава маст во подоцнежниот дел на летото.

Во раниот дел од летото стоболката раѓа 5-8 младенчиња.

Стоболка на марка на Македонски пошти по повод 50 години од основањето на Светскиот фонд за дива природа (WWF) (ФДЦ 19б/2011)

Распределба

Стоболката е присутна ширум источна европа, од јужна Украина до Мала Азија, Австрија, Чешка, Романија, Бугарија, Република Македонија, Грција и на север до Полска.

Во Република Македонија

Во Република Македонија е застапен подвидот македонска стоболка (Spermophillus citellus karamani) која е строго заштитена со целосна забрана за лов.^[2] Препариран примерок на стоболка е изложен во Природонаучниот музеј на Македонија во Скопје.^[3] Се смета дека името го добила поради нејзините разновидни лековити својства во народната медицина (фиг. дека лечи „сто болести“).

Стоболката е претежно застапена во брегалничкиот регион.^[4]