Стокхолм (округ)

59°20′N 18°10′E

Стокхолм Stockholms län
Округ
Грб
Земја	Шведска
Админ. центар	Стокхолм
Управа
• Управник	Катарина Кемпе
• Council	Окружен совет на Стокхолм
Површина
• Вкупна	6.488 км2 (2,505 ми2)
Население (31 март 2011)[1]
• Вкупно	2.063.945
• Густина	320/км2 (820/ми2)
Час. појас	CET (UTC+1)
• Лето (ЛСВ)	CEST (UTC+2)
БДП (ном.)	669.900 милиони круни (2004)
БДП/жит	482.500 круни (2010)
NUTS	SE110

Стокхолм (швед. Stockholms län) e округ (län) на балтичкото крајбрежје на Шведска. Се граничи со окрузите Упсала и Седерманланд. Излегува и на езерото Меларен и Балтичкото Море. Административен центар е градот Стокхолм, главен град на државата. Округот го сочинуваат историските покраини Упланд (Руслаген) и Седерманланд (Седертерн). Во округот живее над ¹⁄₅ од населението во земјата. Округот воедно претставува и статистичка област (riksområden) според номенклатурата на NUTS во рамките на ЕУ.

Историја

Округот Стокхолм е формиран во 1714. Градот Стокхолм претставувал посебна административна единица под раководство на „надуправник“ и не бил дел од округот. Административен центар на округот бил самиот град Стокхолм, иако не бил дел од него.

На 1 јануари 1968 градот и округот се обединиле и границите претрпеле извесни измени.

Општини

Бутширка Ваксхолм Валентуна Вермде Дандерид Екере Естерокер Јерфела Лидинге

Нака Никварн Нинесхамн Нортелје Салем Седертелје Сигтуна Солентуна Солна

Стокхолм Сундбиберг Теби Тиресе Упландс Весби Упландс-Бру Ханинге Худинге

Управа

Сè до 1968 во округот не спаѓал градот Стокхолм. Со градот раководела Службата на надуправникот, а во округот влегувале само околните рурални подрачја.

Главна цел на окружниот административен одбор е спроведување на целите утврдени во парламентот и владата, усогласување на локалните и државните интереси, унапредување на развојот во округот, воспоставување на регионални цели, запазување на јавниот ред и раководење со правните постапки. Окружниот административен одбор е владина служба на чие чело стои управник. Стокхолм има и окружен совет.