Строкир

Строкир (исландски: Strokkur, „бутин“) — гејзер во геотермалното подрачје крај реката Квитау во југозападен Исланд, источно од градот Рејкјавик.^[1] Се вбројува меѓу најпознатите гејзери во Исланд и избива на секои 6–10 минути.^[2] Водоскокот обично е висок 15-20 м, а напати знае да достигне 40 м.

Избув на Строкир во 2006 г.

Строкир во мирување.

Местоположба

Рејкјавик

Строкир

Строкир и градот Рејкјавик во рамките на Исланд.

Гејзерот е сместен во долината Хејкадалир, кој изобилува со други геотермални појави како кални вирови, фумароли, но и други гејзери, од кои се издвојува познатиот Гејсир, по кој е наречена оваа појава.^[3]

Историја

Строкир за првпат се споменува во 1789 г. кога се случил земјотрес што го одзатнал проводот на гејзерот. Во текот на XIX век избивал колебливо; во 1815 г. достигал висина дури до 60 м. Продолжил да избива сè до почетокот на XX век, кога се случил друг земјотрес кој повторно го затнал проводот. Во 1963 г. е решено проводот да се прокопа со цел конечно да се одзатне, со што гејзерот продолжил редовно да избива до денес.^[3]

Туризам

Гејзерот и околинаата редовно привлекува посетители бидејќи претставува еден од малкуте гејзери што избиваат често и навремено.^[2]

Поврзано

• Географија на Исланд
• Геологија на Исланд
• Список на вулкани во Исланд