Струмјани

Струмjаните биле јужнословенско племе кое во раниот среден век ја населувало Источна Македонија и областа околу реката Струма во Пиринска Македонија. Потеклото на Струмјаните е венетско, т.е. припаѓале на Западните Словени и биле во крвно сродство со Полјаците - Шлези.

Викиизвор има текст за Чудата на Свети Димитрија Солунски

Византија по смртта на императорот Ираклиј во 641 г.

Потекло

Татковината на Струмјаните била Шлеска во денешна Полска. Во нивната прататковина сè уште постои областа Струмиен, каде што има град Strumień и река Струмиен. Во полскиот јазик постои и зборот Струга, кој означува река. Во Полска и денеска постојат многу струмјански етнотопоними како Strumiany. Името Strumiany го носат многу села и мали градови во Полска. До 1945 година, Шлеска била дел од Германија, а претходно под австриската монархија на Хазбурговците, кои придонеле за германизација на словенските народи од Шлеска.