Суецки Залив

Суецки Залив (арапски: خليج السويس, Хелиж ес-Сувејс) — залив на северниот крај на Црвеното Море, каде Синајскиот Полуостров го двои морето и ги образува Суецкиот Залив на запад и Акапскиот Залив на исток. Геолошки, заливот е настанат поради расцепната котлина, создадена пред 28 милиони години.^[1] Се протега 300 км во северозападен правец и завршува кај градот Суец во Египет, на преодот во Суецкиот Канал. Долж средината на заливот е и континенталната граница помеѓу Африка и Азија.^[2] Под пристапот на заливот е сместено наоѓалиштето на земен гас Гемса.^[3]

Суецки Залив
Суецкиот Залив (лево), Акапскиот Залив (десно) и Црвеното Море (долу).
Подрачје	Египет
Координати	28°45′N 33°00′E
Најг. должина	314 км
Најг. ширина	32 км
Прос. длабочина	40 м
Најг. длабочина	70 м

Податотека:Coral reef in Ras Muhammad nature park (Iolanda reef).jpg

Корален гребен во националниот парк Рас Муахамед

Географија

Заливот претставува северозападен ракав на Црвеното Море, помеѓу Африка и Синајскиот Полуостров, како трет дел од тромеѓниот расцепен систем.

Мерејќи од Џубалскиот Проток до Суец, заливот е долг 314 км, а во ширина се движи од 19 до 32 км.

Граници

Меѓународната хидрографска организација ја опишува јужната граница на заливот како „Линија која се протега од националниот парк Рас Муахамед (27°43' СГШ) до јужниот ’рт на островот Шадван (34°02' ИГД), а оттука на запад по напоредникот (27°27' СГШ) до брегот на Африка“.^[4]

Поврзано

• Акапски Залив
• Синајски Полуостров