Таписерија

Таписерија (од францускиː tapisserie - ткаеница) — текстилна уметност за создавање декоративни покривки за ѕидови и подови, за делови на мебел или како независно уметничко дело. Таписеријата се ткае рачно, на разбој, најчесто со природни предива, волна, лен, памук, свила. Најпознат центар за таписерии бил градот Арас во Франција. Во Македонија првите таписерии ги создаваат Лазар Личеноски и Димче Протуѓер. Подоцна се вклучиле Димче Коцо, Доне Милјановски, Дијана Томиќ-Радевска и Ѓорѓи Здравев. Таписерите во повоена Македонија па сè до крајот на XX век биле многу застапени низ македонските домови.^[1][2]

Една таписерија од серијата Ловот на еднорогот: Еднорогот е пронајден, околу 1495-1505, Клојстерс, Метрополитен, Њујорк