Твојот роденден (филм)

„Твојот роденден“ ― македонски игран филм по сценарио на Емин Илхами, а во режија на Здравко Велимировиќ. Монтажер бил Драгомир Панков, а музиката ја компонирал Кирил Македонски. Премиерата била одржана во 1961 година.

„Твојот роденден“
Режисер	Здравко Велимировиќ
Сценарист	Емин Илхами
Главни улоги	Петре Прличко Драги Крстевски Киро Винокиќ Предраг Дишљенковиќ Рада Петрова
Музика	Кирил Македонски
Дистрибутер	Вардар филм
Премиера	1961
Времетраење	20 минути
Земја	НР Македонија, ФНРЈ
Јазик	македонски

Кратка содржина

На роденденот на едно мало девојче, доаѓаат пријателите на нејзините родители. Добиените подароци се натрупуваат во нејзината соба и повеќето од нив се исти. Гостите ја забораваат малата славеничка и се затвораат во салонот. Започнува танцот, а постарите играат карти. Малечката останува сама. Соседите се вознемирени од бучавата и бараат од домарот да интервенира. Тој оди во станот каде што се слави. Вратата му ја отвора девојчето. Тоа го кани стариот добар домар во својата соба за да му ги покаже играчките. Сакајќи да и го разубави роденденот домарот се обидува да ја развесели малечката. Со помош на нејзините играчки ја внесува во светот на бајките. Куклите оживуваат и девојчето со радост учествува во нивната игра. Времето минува, веќе е доцна во ноќта и девојчето заспива. Домарот тивко заминува, оставајќи ја во ентериерот на нејзината соба, полна со играчки.

Надворешни врски

• Кинотека на Македонија