Термодинамички потенцијали

Во термодинамиката, термодинамичките потенцијали се параметри вклучени во еден термодинамички систем и кои имаат димензии на енергија. Се нарекуваат потенцијали бидејќи ја опишуваат количината на потенцијална енергија во еден термодинамички систем кога е изложен на некои промени. Различните потенцијали кореспондираат со различните промени на кои може да е изложен системот. Четирите најважни термодинамички потенцијали се:

Име	Формула	Природни променливи
Внатрешна енергија	${\displaystyle U\,}$	${\displaystyle ~~~~~S,V,\{N_{i}\}\,}$
Хелмхолцова слободна енергија	${\displaystyle A=U-TS\,}$	${\displaystyle ~~~~~T,V,\{N_{i}\}\,}$
Енталпија	${\displaystyle H=U+PV\,}$	${\displaystyle ~~~~~S,P,\{N_{i}\}\,}$
Гибсова слободна енергија	${\displaystyle G=U+PV-TS\,}$	${\displaystyle ~~~~~T,P,\{N_{i}\}\,}$

каде T = температура, S = ентропија, P = притисок, V = волумен. Хелмхолцовата слободна енергија се обележува некогаш и со симболот F, но користењето на A е препорачано од ИУЧПХ (IUPAC). ${\displaystyle N_{i}}$ е бројот на честички од тип i во системот. Поради комплетност, групата од сите ${\displaystyle N_{i}}$ се вклучува во природните променливи, иако тие се игнорираат понекогаш.