Тибетски јазици

Тибетските јазици се подгрупа на тибетско-бурманските јазици, кои се зборуваат претежно од Тибетските народи, кои пак живеат во и околу Тибет. Јазиците се зборуваат во Тибет, Кина, Бутан, Непал и делови од Индија. Класичниот тибетски јазик е главен литургиски јазик, кој се користел за будистичката литература. Овие јазици претежно се пишуваат со тибетско писмо.

{{{name}}}
Географска распространетост:	Тибет, Кингај, Сечуан, Кашмир, Балтистан, Непал, Сиким, Бутан
Класификација:	синотибетски (тибетско-бурмански) тибетско-канаурски бодски {{{name}}}
Гранки:	ладакиски централнотибетски амдотибетски камс
Историски тибетски покраини.

Централнотибетските дијалекти од Ласа, Кам и Амдо се гледаат како дијалекти на еден тибетски јазик, особено поради фактот што сите тие имаат една стандардна форма. Ѕонгка, националниот јазик на Бутан, шерпскиот, сикимско-тибетскиот и ладакискиот се сметаат за засебни јазици.

Овие јазици ги зборуваат околу 8 милиони луѓе. Со проширувањето на Тибетскиот Будизам низ светот, тибетскиот јазик се проширил и во Западниот свет. Класичниот тибетски јазик не бил тонски јазик, но некои дијалекти од централнотибетските и камско-тибетските јазици се тонски јазик|тонски. Амдотибетскиот и ладакискиот не се тонални. Тибетската морфологија, општо гледано, може да се смета за аглутинативна, иако класичниот тибетски бил аналитички јазик.

Јазици

Николас Турнадре ја дал следната класификација на тибетските јазици:^[1]

• централнотибетски јазик

  базата на стандардниот тибетски јазик и ги опфаќа некои непалски дијалекти

• камс-тибетски јазик
• амдотибетски јазик
• ѕонгка-лока

  ѕонгка, локански јазик, лакански јазик, лајански јазик, чочонгачански јазик, брокатски јазик, брокпански јазик и најверојатно чумбински јазик

• ладаки-балти

  ладакиски јазик, пурички јазик, зангскариски јазик, балтиски јазик

• лахулиско-спитиски јазик
• кјиронг-кагатејски јазик
• шерпа-џирелски

  шерпски јазик, џирелски јазик

Според Бредли, овие јазици се класифицирани како:^[2]

• ладакиски јазик (нетонален)
• амдотибетски јазик (со тево-чоне) (нетонален)
• камс-тибетски јазик (тонален)

  "западноархаичен тибетски", заедно со балтиски јазик и пурички јазик

• централнотибетски (делумно тонални)
  • лахули-спитиски јазик

    дијалектите од Ладак и Занскар, Лахул, Спити, Утараканд и Занда.

  • централнотибетски јазик'
  • севернотибетски
  • јужнотибетски

    громански јазик, сикимско-тибетски јазик, шерпски јазик и џирелски јазик и некои јазици во Бутан:
    ѕонгка, адапски јазик, брокатски јазик, брокпански јазик, чокангакански јазик, лакански јазик, лајански јазик, лунанакански јазик.