Трајан Белев-Гоце

Трајан Белев - Гоце (4 јануари 1902 во Ѓавато ― 6 октомври 1943 во Кленоец) македонски партизан, револуционер, борец за слобода на Македонија и учесник во НОВ.^[2][3][4]

Трајан Белев - Гоце
Роден	4 јануари 1902 година Ѓавато, Битолско
Починал	6 октомври 1943 година Кленоец, Кичевско застрелан од балистите
Националност	Македонец
Занимање	Револуционер - борец за слобода на Македонскиот народ
Сопружник	Зора Белева
Деца	Методија Белев (роден август 1923), од бракот со првата сопруга.[1] Цане Белев (роден август 1934), од бракот со втората сопруга. Близначките Велика и Верка Белеви (родени 1941), од бракот со втората сопруга.

Животопис

Трајан уште од рано детство бил принуден да работи за издржување на фамилијата. Кога имал 18 години, заминал на печалба во Франција, а потоа и во САД. Трајан Белев бил редовен на сите митинзи каде се манифестирала солидарноста со Советскиот Сојуз. Трајан сакал илегално да замине за Советскиот Сојуз, меѓутоа бил откриен и како непожелен протеран од САД. Белев не само во Ѓавато туку и во соседните села агитирал против профашистичкиот режим на Стојадиновиќ.

За време на окупацијата станал и секретар на Реонскиот комитет на Први реон, потоа и илегалец но во реонот секаде се чувствувало неговото присуство. Активноста на Трајан го истакнала до тоа да биде член на Оперативниот штаб на Втората оперативна зона и комесар по снабдување. По формирањето на баталјонот „Мирче Ацев“, Белев ја имал должноста заменик комесар на баталјонот. Во една од многубројните акции против балистичките сили кај Кленоец (Кичевско), Трајан Белев-Гоце загинал на 6 октомври 1943 година.^[2]