Тросковски манастир

Тросковски манастир „Св. Архангел Михаил“ (понекогаш познат и како Брестовски манастир) — манастир кај селото Тросково, Горноџумајско, Пиринска Македонија, денес во општината Симитли, Бугарија. Влегува во состав на Неврокопската епархија на Бугарската православна црква.

Тросковски манастир
Свети Архангел Михаил
Поглед на манастирот
41°51′35″N 22°59′56″E
Место	Брестово, Горноџумајско
Земја	Пиринска Македонија, Бугарија
Вероисповед	Бугарска православна црква
Архитектура
Завршена	1906
Управа
Архијерејско намесништво	Горноџумајско
Епархија	Неврокопска

Местоположба

Манастирот се наоѓа 1 километар северно од Брестово, на неколку километри југозападно од Тросково, над десната страна на Стара Река.^[1] Во непосредна близина се наоѓаат камените образби Коматница. Бидејќи во минатото с. Брестово се сметало за маало на Тросково, манастирот до ден денес го зачувал своето име.^[2]

Историја

Според преданието, манастирот е основан во 1149 г., со што се смета за еден од најстарите во областа. Манастирот претрпел сериозни оштетувања за време на Крупничкиот земјотрес на 4 април 1904 година, при што е разрушен. Подоцна бил обновен во 1906 г.^[3][2]