Тумба (Оптичари)

Тумба — археолошко наоѓалиште во битолското село Оптичари. Претставува населба од неолитско време. Се наоѓа на околу 2 км источно од селото и 7 км источно од патот Битола-Лерин, како и на околу 1,5 км западно од коритото на Црна Река. Во основата има пречник од 240 × 240 м и зачувана височина од 4,5 м. Во 1988 година е вршено сондажно ископување при што е утврдена повеќеслојна населба од времето на раниот и средниот неолит, односно од велушко-породинската културна група. Откриен е голем број подвижни предмети, и тоа: фрагменти од керамички садови, култни предмети и орудија од камен, кремен и коска. Наодите се чуваат во Заводот и музеј во Битола.^[1]

„Тумба“
Местоположба	40°59′10″N 21°25′15″E
Основни податоци
Место	Оптичари
Општина	Битола
Тип	населба
Период	неолитско време
Портал „Археологија“

Поврзано

• На Тумба — населба од неолитско време;^[1]
• Трн Тумба — населба од неолитско време;^[1]
• Св. Атанас — наоѓалиште од непознат тип и период;^[2]
• Св. Никола — наоѓалиште од непознат тип и период;^[2]
• Оптичари;
• Список на археолошки наоѓалишта во Битолско;