Фемтометар

Фемтометар (симб. фм или fm^[1][2][3]) — единица за должина во Меѓународниот систем на мерни единици (SI) еднаква на 10⁻¹⁵ метри. Ова растојание понекогаш се нарекува ферми во чест на италијанско-американскиот физичар Енрико Ферми. Се користи како должинска мерка во јадрената физика.

фемтометар
Големина на фемтометарот во однос на еден атом на хелиумот
Информации за мерката
Мерен систем	SI
Единица за	должина
Ознака	фм, fm
Претворање на единици
1 фемтометар во ...	... е еднакво на ...
Основни SI-единици	1⋅10-15 м
Природни единици	6,1877⋅1019 ℓP  1,8897⋅10-5 a0

Дефиниција и еквиваленти

1000000 зептометри = 1 фемтометар = 1 ферми = 0,000001 нанометри = 10^-15 метри

1 000 000 000 000 фемтометри = 1 милиметар.

На пример, набојниот полупречник на еден протон изнесува околу 0,841 фемтометри^[4] а полупречникот на атомското јадро на златото изнесува приближно 8,45 фемтометри.^[5]

1 барн = 100 фм²

Историја

Фемтометарот е усвоен на XI Генерална конференција за тегови и мерки и додаден во SI во 1964 г. Наречен е по данскиот збор femten со значење „патнаесет“ (бидејќи има величина на петнаесетти степен) и поради сличноста со зборот ферми.

Ферми е наречен по италијанскиот физичар Енрико Ферми (1901–1954), еден од основоположниците на јадрената физика. Зборот го вовел Роберт Хофштатер во стручен напис објавен во 1956 г.^[6] Денес нашироко се користи од јадрените и честичните физичари.