Фугази

Фугази (англиски: Fugazi) е американска пост-хардкор група, формирана во Вашингтон во 1987 година. Постојани членови на групата се: гитаристите и вокалисти Јан Мекеј и Ги Пичиото, басистот Џо Лели и тапанарот Брендон Канти. „Фугази“ се познати по нивниот DIY етички став, начин на деловна практика и презир кон музичката индустрија.^[1] Фугази имаат направено бројни светски турнеи, имаат издадено шест студиски албуми, филм и снимки во живо добивајќи позитивна критика и успех во целиот свет. Фугази се наоѓаат на неодредена пауза од 2003 година.^[2]

Фугази
настап на Фугази (2002)
Основни податоци
Потекло	Вашингтон, САД
Жанр(ови)	пост-хардкор
Години на активност	1987 - 2003 (неодредена пауза)
Продукциска куќа/ќи	Дискорд
Мрежно место	dischord.com/band/fugazi
Членови	Ги Пичиото Јан Мекеј Џо Лели Брендон Канти
Поранешни членови	Колин Сирс

Настапи во живо

Помеѓу 1987 и 2003 година, Фугази отсвириле над 1000 концерти во сите 50 држави во САД и во многу други низ целиот свет. Над 800 од овие концерти биле снимени од страна на инженерите за звук на бендот. Во 2005 и 2006 година Фугази издадоа 30 компакт дискови со настапи во живо на кои настапуваат во различни точки во нивната кариера. Подоцна снимките од нивните концерти беа достапни и на интернет.^[3]

Mузички стил и влијанија

Музиката на Фугази претставува намерно отстапување од онаа на [[хардкор]-групите. Иако јасно вкоренета во панк и хардкор-музиката, во музиката на Фугази лесно се препознаваат и фанк и реге елементи, неправилни старт-стоп структури на песните и „тешки“ рифови инспирирани од групите како што се Лед Џепелин и Квин кои биле омаловажувани од панк и хардкор сцената.

Членови

Сегашни членови

• Јан Мекеј - вокал, гитара (1987-денес)
• Брендон Канти - тапани (1987-денес)
• Џо Лели - вокал, бас гитара (1987-денес)
• Ги Пичиото - вокал, гитара (1988-денес)

Членови кои учествувале на турнеи

• Џери Бушер - дополнителни тапани, труба (1998-2002)

Дискографија

Студиски албуми

• 13 Songs (1989)
• Repeater (1990)
• Steady Diet of Nothing (1991)
• In on the Kill Taker (1993)
• Red Medicine (1995)
• End Hits (1998)
• The Argument (2001)