Хамзали - Дрвош

Хамзали - Дрвош — македонски рудник на момирок, кој се наоѓа во атарот на село Хамзали, Струмичко. Рудната област е претставена со чести жици, леќи и неправилни тела на метасоматски леукократни крупнозрнести албитски гранити сместени во крупнозрнестите биотитски гранити. Овие рудни тела се бели албитски гранитоиди, познати под името „натриски момирок“. Тие содржат околу 80% албит со околу 3% анортитска компонента. Покрај овие тела на албитски гранити, присутни се и помали маси, кои се делумно истражувани или не се ни истражувани. Хемискиот состав на рудата е:SiO₂ околу 65%, Al₂O₃ 18–19%, K₂O 0,4%, Fe₂O₃ 0,1–0,2% Na₂O₃ 9–10%. Рудните резерви се проценуваат на повеќе милиони тони.^[1]