Хенри Лонгфелоу

Хенри Водсворт Лонгфелоу (англиски: Henry Wadsworth Longfellow, 27 февруари 1807 – 24 март 1882) бил американски поет и професор. Лонгфелоу е познат по поемите „Јавањето на Пол Реверс“ и „Евангелина“. Лонгфелоу е познат во книжевноста поради фактот што е првиот Американец кој ја превел поемата „Божествена комедија“ од Данте Алигиери. Лонгфелоу е еден од т.н. домашни поети - група на поети поврзани со Нова Англија.

Хенри Водсворт Лонгфелоу
Фотографија на Лонгфелоу, сликана од Џулија Маргарет Камерон во 1868
Роден/а	27 февруари 1807(1807-02-27) Портланд, Мејн
Починат/а	24 март 1882(1882-03-24) (возр. 75) Кембриџ, Масачусетс
Занимање	поет професор
Апсолвент на	Колеџ Боудин
Сопруг/а	Мери Сторер Потер Франсис Елизабет Еплтон
Деца	Чарлс Еплтон Лонгфелоу Ернест Водсворт Лонгфелоу Фани Лонгфелоу Елис Мери Лонгфелоу Едит Лонгфелоу Ен Елгра Лонгфелоу
Потпис

Лонгфелоу е роден во Портланд, денес во сојузната држава Мејн а тогаш во американската сојузна држава Масачусетс.^[1] Тој се образувал на колеџот „Боудин“, а подоцна своето образование го продолжил на колеџот „Харвард“. Претходно поминал извесен период во Европа. Неговата прва голема збирка поеми била збирката „Гласови на ноќта“ од 1839 година и „Балади и други поеми“ од 1841 година. Во 1854 година се пензионирал од предавање и се посветил на своето пишување. Остатокот од својот живот го живеел во домот на Лонгфелови, куќа која своевремено била и револуционерно воено седиште на Џорџ Вашингтон во Кембриџ во Масачусетс. Неговата сопруга Мери Потер умрела во 1835 година, а неговата втора сопруга Франсес Еплтон умрела во 1861 година од изгореници од пожар. По нејзината смрт Лонгфелоу имал потешкотии да пишува поезија и се посветил на преводот на дела од странски јазици. Лонгфелоу умрел во 1882 година.

Лонгфелоу напишал голем број лирски песни, познати по својата музикалност и често претставувале прикажни од митологијата или легенди. Тој станал најпопуларен поет во своето време, а воедно бил доста успешен и надвор од САД. Сепак, неговите современици го критикувале дека имитира европски стилови и пишува за општата маса на народ.

Дела

Некои од делата на Лонгфелоу се:

Поеми

• „Прекуморје: поклонение преку морето“ (Outre-Mer: A Pilgrimage Beyond the Sea, 1835)
• „Хиперион, романса“ (Hyperion, a Romance, 1839)
• „Шпански ученик. Драма во три чина“ (The Spanish Student. A Play in Three Acts, 1843)
• „Евангелина: Акадиска приказна“ (Evangeline: A Tale of Acadie, 1847)
• „Кавана“ (Kavanagh, 1849)
• „Златна легенда“ (The Golden Legend, 1851)
• „Песната на Хијавата“ (The Song of Hiawatha, 1855)
• „Трагедии од Нова Англија“ (The New England Tragedies, 1868)
• „Божествена трагедија“ (The Divine Tragedy, 1871)
• „Кристус: Мистерија“ (Christus: A Mystery, 1872)
• „Последица (Aftermath, 1873)
• „Стрелата и песната“ (The Arrow and the Song)

Збирки

• „Гласови на ноќта“ (Voices of the Night, 1839)
• „Балади и други поеми“ (Ballads and Other Poems, 1841)
• „Поеми за ропството“ (Poems on Slavery, 1842)
• „Камбанаријата од Бриж и други поеми“ (The Belfry of Bruges and Other Poems, 1845)
• „Покрај брег и покрај огниште“ (The Seaside and the Fireside, 1850)
• „Поетски дела на Хенри Водсворт Лонгфелоу (The Poetical Works of Henry Wadsworth Longfellow Henry Wadsworth Longfellow)