Црвејнца (Опеница)

Црвејнца — археолошко наоѓалиште во охридското село Опеница. Претставува населба од неолитското време, некропола од хеленистичкото време и средниот век. Се наоѓа северно од селото, на левата страна на патот Охрид-Ресен, на почетокот на 20-тиот километар, а во непосредната близина на Прентов Мост. На почетокот на 1956 година, со работите на мостот, во брегот биле откриени гробови од хеленистичка и средновековна некропола. Во истата година Музејот од Охрид извршил сондажни, а во 1957-59 систематски ископувања. Со овие работи биле откриени и истражени 143 гроба од кои 83 од хеленистичкото време а 60 од раниот среден век. Во долните слоеви се најдени фрагменти од керамички садови, орудија од кремен и коска кои упатуваат на траги од неолитска населба. Наодите се чуваат во Завод и Музеј во Охрид.^[1]

„Црвејнца“
Местоположба	41°12′15″N 20°54′23″E
Основни податоци
Место	Опеница
Општина	Охрид
Тип	населба  некропола
Период	неолитско време
	хеленистичко време
	среден век
Портал „Археологија“

Поврзано

• Горно Село — средновековна населба;
• Лажиште - Вилипец — населба од римското време;
• Мадем — топилница од доцноантичкото време;
• Релејца — Рударски јами од римското време;
• Старечки Дол — рудник и топилница од римското време;
• Требишки Рид — средновековна населба и некропола;
• Опеница;
• Список на археолошки наоѓалишта во Охридско;
• Список на средновековни некрополи во Македонија.