Црква „Св. Ѓорѓи“ - Новоселани (Битолско)

Не треба да се поистоветува со Црква „Св. Ѓорѓи“ - Новоселани (Прилепско).

Свети Ѓорѓи — главна селска црква во битолското село Новоселани.^[1] Црквата е сместена во крајниот источен дел од селото, на возвишение кое ѝ дава доминантна положба во однос на остатокот од селото.

Свети Ѓорѓи
Поглед на црквата
македонска православна црква
Епархија	Преспанско-пелагониска
Архијерејско намесништво	Битолско
Парохија	Ивањевска
Местоположба
Координати	41°13′22.5″N 21°23′52.1″E
Место	Новоселани
Општина	Могила
Држава	Македонија
Општи податоци
Покровител	Свети Ѓорѓи
Завршено	1860
Архитектонски опис

Историја

Црквата е изградена во 1860 година на темели од стара градба. Во текот на Првата светска војна била разрушена, по што била обновена во 1931 година. Последен пат била обновена во 1990 година.^[2]

Архитектура

Градбата на црквата има правоаголна основа. Влезот е сместен на западната страна и над него има квадратна ниша со фреска на Свети Ѓорѓи. На јужната страна од црквата има три хоризонтално поставени монофори. Објектот во целост е варосан и е покриен со кров од ќерамиди.

Во дворот на црквата се наоѓаат камбанаријата, помошен објект и селските гробишта. Камбанаријата има примитивен изглед и се состои од метална конструкција со квадратна основа и пирамидален лимен кров.

Галерија

• 
  Црквата (во средина), помошниот објект (лево) и камбанаријата (десно)
• 
  Камбанаријата
• 
  Селските гробишта

Поврзано

• Новоселани
• Преспанско-пелагониска епархија
• Битолско архијерејско намесништво
• Ивањевска парохија